Зургаадугаар сарын 23-24-ний өдрүүдэд Европын Холбооны гишүүн орнуудын тэргүүн нарын дээд хэмжээний уулзалт болно. Уулзалтаар Украиныг Европын Холбоонд элсүүлэх нэр дэвшигчийн статус олгох эсэхийг авч хэлэлцэх аж.
Өнгөрсөн ням гараг /2022.06.19/-т Украины Ерөнхийлөгч Володимир Зеленский “Энэ долоо хоног бол Украины хувьд түүхэн ач холбогдолтой долоо хоног болж байна” хэмээн мэдэгдсэн.
Тэрбээр хэлэхдээ, “Түүхэн ач холбогдолтой хоног маргаашаас эхэлнэ. Учир нь, энэ долоо хоногт Европын Холбооноос бидэнд нэр дэвшигчийн статус олгох эсэх талаар хариу өгнө” хэмээн онцлов.
Украиныг Европын Холбоонд элсэх хүсэлт гаргасантай холбогдуулан ОХУ-ын Ерөнхийлөгч Владимир Путин байр сууриа илэрхийлэв.
Владимир Путин: “Украиныг тус холбоонд элсэхийг Оросын тал эсэргүүцэхгүй. Гэсэн ч, Украин Европын Холбоонд элссэнээр Украины эдийн засгийн өсөлтөд шинэ түлхэц болох эсэхэд эргэлзэж байна”.
Владимир Путин цааш нь хэлэхдээ, Европын Холбоо бол НАТО шиг цэргийн эвсэл холбоо биш, тиймээс бид өмнө нь ч хэлж байсан, бидний байр суурь өөрчлөгдөхгүй. Украин Европын Холбоонд нэгдэхийг Оросын тал эсэргүүцэхгүй. Харин Украины эдийн засгийн бүтцэд их хэмжээний нөхвөр, тусламж шаардлагатай байгаа учир Украин дотоодын зах зээлээ хамгаалж чадахгүй тохиолдолд ямар нэгэн хэлбэрээр бусдын эрхшээлд орж, “хагас колоничлогдох” нөхцөл байдалд орж болзошгүй хэмээн бодож байна” гэж байр сууриа илэрхийллээ.
Эх сурвалж: Interfax
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.