МЭДРЭМЖЭЭ ШЭЙРЛЭЕ: Аян замд чихийг тань "тэвэрч" хань болж мэдэх дуунууд

Дуу, хөгжимд хэн нэгэнтэй ярилцалгүй бөглүү яваа цээжийг хэдэнтээ тэвэрч, онгичих хүч бий. Машиныхаа цонхыг нээчхээд, хөгжмөө тултал чангалах, дагаж дуулах..., хэн нэгнийг бодох..., инээмсэглэх. Ертөнц уудам, хүмүүс эгэлгүй гэдгийг зарим нь, хорвоо гутмаар, хүмүүс зугтмаар муухай гэдгийг зарим дуу "шивнэнэ". Зарим дуу нь таньтай ярилцана. Зарим нь өөртэй тань ярилцуулна.

Зүгээр л өөрийн сонголтоор хол замд хань болох, мэдрэмжийг тань хөглөх тийм дуунуудыг санал болголоо. Сэтгэл санаа, сонсож буй цаг хугацаатай тань зохирохгүй ч байж мэдэх юм.

НЭГ. Аав, ээжийнхээ нутгаар буугаад мордохдоо сонсоод үзээрэй.

ХОЁР. Учирсан атлаа хагацсан хэн бүхний сонсох дуу. Цээжин дээрээ гараа тавиад сонсоод үзээрэй. Санах гэдэг чинь сайхан үйл.

ГУРАВ. Гоё аялгуутай дуу. Машиныхаа цонхыг нээгээд гараа гаргаад, нүдээ ань.

ДӨРӨВ. Цээж бөглүү. Мартана хэмээн өөрөө, өөртөө өгсөн худал амлалтаа үнэн гэж итгүүлэхэдээ сонсдог дуу... Хүний бодол ч бас ч ээддэг юм шүү.

ТАВ. Өнгөтэй дуу. Чих рүү өнгө, өнгийн будаг цацаад ч буй юм шиг.

ЗУРГАА. Тавилан...

ДОЛОО. Үнэн үгээр чихээр балбуул. Амьдрал угаасаа асуудалтай.

НАЙМ. Бас л машиныхаа цонхыг нээгээд сонсох дууны нэг. Өөр ертөнцөд байгаа юм шиг мэдрэмж төрүүлдэг...

ЕС. Хэн нэгэнтээ хамт байгаа ч хүн сэтгэл зүрхэндээ цор ганцаараа л байдаг. Түүнийгээ мэдрэх үедээ сонсдог. Бас амьдралд бүрэлдээгүй хайр сэтгэлээ, сэтгэлт хүнээ бодож сонсдог. Амьдралын хэвлийд бүрэлдээгүй бидний хайр...

Та ч гэсэн сэтгэлээс тань алсад суугаа тэр хүнээ бодох үедээ сонсоод үзээрэй.

АРАВ. Хүн өөрийгөө бүтээдэг гэдэг үгтэй 100 хувь санал нийлдэггүй юм. Биднийг хэн нэгэн бүтээлцэж л байдаг. Бид хүмүүсийн дотор өөр, өөрөөр бодогдож, өөр, өөрөөр харагддаг. Түүнийг яруугаар илэрхийлсэн дуу.

АРВАН НЭГ. Салхи хүч мэдрэгдэм дуу. Хөдөөг зорьж буй бол заавал сонсоорой.

Энэ мэдээнд өгөх таны үнэлгээ

Хуваалцаарай Жиргээрэй