2023 оноос өрхийн нэгдсэн сангийн мэдээлэлд тулгуурлан хүүхдийн 100 мянгыг олгоно
Өчигдөр /2022.11.11/ УИХ-ын чуулган хуралдаж, 2023 оны төсвийг баталсан. Мөн төсөвтэй хамт дагалдаж орж ирсэн хуулийн болон тогтоолын төслүүдийг эцэслэн баталсан. Энэ үеэр Хүүхдийн мөнгөний талаар авах зарим арга хэмжээний тухай тогтоолын төсөл батлагдсан юм.
Энэ тогтоол батлагдсанаар хүүхдийн мөнгөн тэтгэмжийг өрхийн орлого харгалзан олгохоор болж байна. Тодруулан хэлэх юм бол, 3.5 сая төгрөгөөс дээш орлоготой өрхийн хүүхдэд хүүхдийн 100 мянгыг нь өгөхгүй нь. Өрхийн амьжиргааны түвшинг нарийвчлан тооцохдоо өрхийн мэдээллийн нэгдсэн сан болон төрийн мэдээллийн бусад санг ашиглах ажээ.
Мөн хүүхдийн мөнгөн тэтгэмжийг согтууруулах ундаа, тамхины хэрэглээнд зарцуулах боломжгүй байх зохицуулалт хийх нь ээ.
Дээрх агуулга бүхий энэ тогтоол нь 2023.01.01-нээс хэрэгжих юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.