У.Цогтбаяр: Мөнгөө авъя, ах аа

Нүүрсний хулгайг эсэргүүцсэн залуус дөрөв дэх өдрөө төв талбай дээр жагсаж байна. Өнөөдөр /2022.12.07/ Ерөнхий сайд талбайн жагсагчидтай гарч ирж уулзав. Түүнтэй хамт ЗГХЭГ-ын сайд Д.Амарбаясгалан, ХЗДХ-ын сайд Х.Нямбаатар нар гарч ирсэн юм.

Жагсагчид Ерөнхий сайдыг жагсагчид хөөж, "юм" шидэж байлаа. Эл үйлдлийг үл тоон иргэдэд хандан мэдээлэл өгсөөр.

Энэ үеэр жүжигчин У.Цогтбаяр Ерөнхий сайдад "Ард иргэдийн олон хоногийн жагсаалын зорилго нүүрсний хулгайн 40 их наяд төгрөг. Мөнгөө авъя, ах аа. Нэрсийг нь зарлана гэж та хэлсэн. Зөндөө л хүлээлээ. Одоо зарлах цаг чинь болсон юм биш үү. Та МАН-тай холбоотой бүх хүнээс битгий ай" хэмээв.

Ерөнхий сайд жагсагчдаас 100 хүртэлх иргэний төлөөллийг хүлээн авч уулзахаар болсон ба тэднээс нүүрсний хулгайн асуудлыг шалгах ажлын хэсгийн бүрэлдэхүүнд оролцуулна гэдгээ мэдэгдээд дотогш орлоо. Ажлын хэсгийн бүрэлдэхүүнд У.Цогтбаяр орж ажиллана гэдгээ мэдэгдээд буй.

Тэрбээр Ерөнхий сайдыг дотогш орсны дараа "Би тоо баримт шалгаж чадахгүй. Ямарваа нэгэн но байна уу гэдгийг хажуугаас нь харж, бичлэг хийнэ. Одоо барьц гараад ирчихсэн юм чинь барьцаа лавшруулъя. Эрдэмтэн мэргэн багш нар тэтгэвэртээ гарсан байсан ч хамаагүй, төрийн ордны баруун хаалга дээр хүрээд ир" хэмээн ярилаа.

Энэ мэдээнд өгөх таны үнэлгээ

Хуваалцаарай Жиргээрэй