СПОРТ

Пеле ар гэрийнхэнтэйгээ салах ёс хийжээ: "Сантос" баг оршуулах ёслолд бэлдэж байна

Хөлбөмбөгийн хаан Пелегийн биеийн байдал дордсоор байгаа тул тэрбээр ар гэрийнхэнтэйгээ салах ёс гүйцэтгэсэн гэсэн мэдээлэл хэвлэлээр тараад байна. Британийн бизнесмэн, спорт менежментийн компанийн хувьцаа эзэмшигч Фрэнк Халидын хэлснээр, 82 настай Пелегийн бие организм хорт хавдартай хийж буй тэмцэлд аажмаар ялагдаж байгаа аж.  

Хөлбөмбөгийн хаан Пеле хоёр жилийн өмнө хорт хавдартай гэж оношлогдсон юм. Тэрбээр өнгөрсөн сарын сүүлээр Сан Паулугийн эмнэлэгт хэвтсэн бөгөөд хэвлэлээр гарсан цуу яриаг үгүйсгэж, “Бие сайн байгаа, хими эмчилгээний үр дүнгээ шалгуулах, дараагийн эмчилгээгээ товлох гэж эмнэлэгт хэвтсэн” хэмээн тайлбар хийснийг бид мэдээлсэн.

Сэтгүүлч Мигель Анхель Веласкес твиттер хуудастаа "Пеле амьд ч "Сантос" оршуулгын ёслолд бэлдэж эхэлсэн. Клуб талбай дээрээ асар том асар босгож, мөн Пелегийн дүрс бүхий том алтан авс бэлдсэн" гэж бичжээ.

Пеле тоглогчийн хувиар ДАШТ-д гурвантаа түрүүлсэн цорын ганц хөлбөмбөгч, шигшээ багтаа 92 тоглохдоо 77 гоол оруулж дээд амжилт тогтоосон байсныг нь өнгөрөгч ДАШТ-ий үеэр Неймар эвдсэн юм.   

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүл зүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Үнэн үг
Үнэн үг
2023-01-03 23:27

"Пеле ар гэрийнхэнтэйгээ с##ах ёс хийжээ" гэж бичихгүй шүү дээ СЭТГҮҮЛЧ ГУАЙ. НААД ХҮН ЧИНЬ НАС БАРЧИХСАН, АМЬГҮЙ БИЕ БОЛСОН ХӨӨРХИЙ, ЮУ Ч ХИЙЖ ЧАДАХГҮЙ, ЯМАР Ч ҮЙЛДЭЛ ХИЙХГҮЙ БИЗ ДЭЭ. ОЙЛГОЖ БАЙНА УУ СЭТГҮҮЛЧ ЭЭ!!! ХАРИН ПЕЛЕТЭЙ АР ГЭРИЙНХЭН НЬ САЛАХ ЁС ХИЙЛЭЭ гэж бичвэл зөв болно. ИНГЭЖ БИЧИХ ЁСТОЙ. Энэ сэтгүүлч их л олон шагн##тай юм бна, бас банкны тэргүүний ажилтан ч гэх шиг ккк.

Холбоотой мэдээ

Back to top button