Өнгөрөгч намар нээлтээ хийж олны талархлыг хүлээсэн Эргэж ирэхгүй намар киноны Түнтүүлэйгийн дүрийг бүтээсэн Г.Тэнүүн-Эрдэнэ шилдэг жүжигчний шагнал хүртлээ.
Тодруулбал, Швейцар улсын FIFF, Festival International du Film de Fribourg Фрибургийн Олон Улсын кино наадмын "Special mention-Best Actor” шилдэг дүрийн шагналын эзэн болжээ. Тус кино наадмын энэ төрөлд дэлхийн шилдэгт нэрлэгддэг кино жүжигчид өрсөлдсөн юм.
Ташрамд дурдахад "Эргэж ирэхгүй намар" кино дэлхийн хамгийн том "Оскар" кино наадмын урьдчилсан шатанд оролцохоор шалгарсан билээ.
Мөн тус кино Италийн Милан хотын FESCAAAL олон улсын кино фестивалиас "Audience awards” буюу "Үзэгчидийн нэрэмжит шагнал", MiWorld Young Film Festival-с "BIG ZEBRA” Шилдэг киноны шагналыг тус тус хүртлээ.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.