Гадаад мэдээСонин хачин
"The Glory" цувралын ээж, охин хоёр үерхлийн талаарх мэдээллээ баталлаа
Нэтфликсийн алдарт цуврал "The Glory"-гийн жүжигчид нэг өдөр хоёр ч үерхлийн талаарх мэдээллээ баталлаа.
Dispatch-аас жүжигчин Ий Духён болон Лим Жиёон нарыг үерхдэг талаар дөрөвдүгээр сарын 1-ний өдөр мэдээллээ. Тэд дөрвөн сарын турш болзож байгаа ажээ.
Тэгвэл "The Glory"-гийн жүжигчид болон арын албаны ажилчид энэ талаарх мэдээллийг баталсан байна. Хоёр жүжигчний агентлагаас уг мэдээллийг үнэн гэдгийг баталсан юм. Энэ үеэрээ "Тэд драмагийн төгсгөлийн үеэр хурдан дотно болж, киноны сурталчилгааны үеэр үерхэх болсон" гэх тайлбар өгчээ.
Тэднээс гадна Лим Жиёоны охины дүрд тоглосон У Жиюүл ч мөн тус өдөр үерхлийнхээ талаар олон нийтэд мэдээлсэн юм. Бяцхан жүжигчин У Жи Юүл ангийнхаа хүүтэй үерхэж байгаа ажээ.
Тэрбээр "Би нэгдүгээр ангиасаа түүнд сайн байсан. Тэр спортлог бас хөөрхөн зантай. Удахгүй таэквондогийн хар бүстэй болно" хэмээн мэдээлжээ.
Н.АННА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.