Өнөөдөр /2023.04.07/ 15.30 цагт МАН-ын Удирдах зөвлөл хуралдаж эхэлсэн. Хуралдаанаар таван асуудал хэлэлцэхээр товлосноос гадна Хөдөлмөр нийгмийн хамгааллын болон Боомтын сайдуудын асуудал хэлэлцлээ.
Улмаар Боомтын сайд Х.Булгантуяаг Хөдөлмөр нийгмийн хамгааллын сайдад сэлгэн томилохыг
МАХН-ын дарга асан Н.Энхбаярын хүн гэгддэг Б.Тулгыг Боомтын сайдад томилохыг тус тус дэмжсэн шийдвэрийг гаргалаа.
Х.Булгантуяагийн хувьд: 2023 оны нэгдүгээр сарын 06-нд Монгол Улсын сайд, Боомтын сэргэлтийн Үндэсний хорооны даргаар томилогдож тангараг өргөөд гуравхан сарын нүүр үзэж байсан билээ. Түүнийг ХНХ-ын сайдаар оруулж ирэхэд МАН-ын эмэгтэй гишүүд эсэргүүцэж, УИХ-ын гишүүн М.Оюунчимэгийг дэмжсэн гэх мэдээлэл хөвөрлөө.
Б.Тулгын хувьд: Н.Энхбаярын туслахаар олон жил ажилласан. 2018 оноос МАХН-ын Ерөнхий нарийн бичгийн даргын албыг хашиж байгаад 2021 оны Ерөнхийлөгчийн сонгуулиар нам нь МАН-тай нэгдсэн билээ. Тэр өдгөө МАН-ын Нарийн бичгийн даргын албан тушаалыг хашиж байсан юм.
Тэднийг ийн өнөөдөр батламжилж, амжвал УИХ-ын чуулганы нэгдсэн хуралдаанаар оруулж тангараг өргүүлнэ гэгдэж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Баагаагийн Баттөмөр чинь үнсэх гэж ирнэ дээ
Сайхан хүүхэн шүү