Долоо хоногийн турш хил дамнуулан гал нээсний дараа хүчирхийлэл дахин хурцдаж, Израилийн хяналтад байгаа нутаг дэвсгэр рүү шөнө дөлөөр пуужин харвасан байна. Улмаар Израилийн онгоцнууд Сирийн цэргийн объектуудыг ням гарагт цохисон гэж Израилийн арми мэдэгдэв.
Голаны өндөрлөг рүү нэг шөнийн дотор зургаан пуужин харвасны дараа Израилийн цэргүүд Сирийн нутаг дэвсгэрт цохилт өгсөөр байгаа гэж Сирийн төрийн хэвлэлүүд мэдээлжээ. Мөн нийслэл Дамаск хотын ойролцоо дэлбэрэлт болсон байна.
Израилийн мэдэгдсэнээр, их буу, нисгэгчгүй онгоц пуужин харвах төхөөрөмжид цохилт өгсний дараа Сирийн армийн байр, цэргийн радарын систем, их бууны постуудад агаараас цохилт өгчээ.
Сирийн Батлан хамгаалах яам Израилийн довтолгоонд агаарын довтолгооноос хамгаалах систем хариу арга хэмжээ авч, Израилийн зарим пуужинг сөнөөсөн гэж мэдэгдэв. Азаар хүний амь эрсдээгүй, зөвхөн материаллаг хохирол учирсан гэж мэдэгдлээ.
Өмнө нь Сирийн нутаг дэвсгэрээс пуужин харвах үед Голаны өндөрлөг дэх хотуудын ойролцоо дуут дохио дуугарч байсан ч ямар нэгэн хохирол учраагүй байна. Израиль 1967 оны Ойрхи Дорнодын дайны үеэр Голаны өндөрлөгүүдийг эзлэн авч, 1981 онд 1200 хавтгай дөрвөлжин км (460 хавтгай дөрвөлжин миль) газар нутгийг өөртөө нэгтгэсэн нь олон улсын хамтын нийгэмлэгийн ихэнх нь хүлээн зөвшөөрөөгүй юм.
Н.АННА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Оросуудын зэвсгээр хангагдсан Сири улс Израйль руу пуужин харважээ, үүнээс нэг л дүгнэлт хийхээр байна. Фашист оросууд украйныг дийлэхгүйгээ мэдээд дэлхий дахинд хаа сайгүй дайны фронт үүсгэж �##�ь болох их хямр�##�ыг хүсчээ, өөрөөр хэлбэл дайнд орос ганцаараа буруугүй бүгд л буруутай болгох зорилготой юм бна.