Ази тивийн аварга шалгаруулах чөлөөт бөхийн насанд хүрэгчдийн "Астана-2023" тэмцээн үргэлжилж буй. Тус тэмцээний эхний хоёр өдрийн байдлаар эмэгтэйчүүдийн төрөлд манай улсаас хоёр хүрэл, нэг мөнгөн медаль хүртээд байна.
Энэ удаагийн Ази тивийн аваргын тэмцээнд оролцож түрүүлсэн Японы бөх Акари Фүжинами чөлөөт бөх сонирхогчдын гайхшралыг дахин төрүүлэв. Тодруулбал, түүний энэ ялалт дараалсан 119 дэх ялалт нь байв. Өөрөөр хэлбэл, зургаан жилийн турш гадна, дотны ямар ч тэмцээнд ялагдал хүлээгээгүй гэсэн үг. Ингэхдээ дотоодын 21, гадаадын 11 тэмцээнд аваргалаад байгаа аж.
Японы эмэгтэй чөлөөт бөхийн залуу од, 19 настай ялагдашгүй тамирчин Акари Фүжинами өчигдөр Ази тивд аваргалснаар ийн 32 дахь тэмцээндээ дараалан түрүүллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.