Дорноговь аймагт ургамлыг гүн суулгаж тарих аргаар цөлжилтөөс сэргийлэх төсөл хэрэгжиж байгаа ажээ.
Тодруулбал, Япон улсын Нигата мужийн Гадаадын технологийн талаар хамтран ажиллах нийгэмлэгийн санхүүжилтээр уг үйл ажиллагааг хийж байгаа аж. Ингэхдээ говийн нөхцөлд ургамлыг гүн суулгаж тарих аргаар говийн цөлөрхөг бүсийн хуурай хүйтэн газар нутгийг ургамалжуулах ажлыг дэмжих техникийн хамтын ажиллагаа төсөл Дорноговь аймагт хэрэгжиж байна.
Эл төслийг Тэгүро Шюүжигээр ахлуулсна найман хүний бүрэлдэхүүнтэй мэргэжлийн судлаач эрдэмтдийн баг үргэлжлүүлж буй. Харин манай улсын талаас гурван хүний бүрэлдэхүүнтэй баг ажиллаж байгаа ажээ.
Уг төслийг туршилт судалгааны ажлыг хийсний дараагаар говь цөлийн унаган ургамлыг ургамалжуулах арга технологийг гаргах зорилготой юм байна.
Төслийн багийнхны мэдээлж буйгаар говийн унаган ургамлуудаас урт үндэстэй тарьц бэлтгэн, газрын гүний усалгаагаар үндэсний системийн өсөлтийг судалж батлах, ус хэмнэх, гарын авлага гаргах, ургамалжуулалтын мэргэжилтэн бэлтгэх, ургамалжуулах сайжруулсан технологийг түгээн дэлгэрүүлэхэд чиглэж ажиллаж байгаа ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төслийн ахлагчын нэрийг зөв бичнэ үү