Оросын алс дорнодод 29 галт уул идэвхтэй ангилалд байдаг. Өчигдөр буюу арваннэгдүгээр сарын 1-ний өдөр ОХУ-ын Камчаткийн хойгт орших Ключевско галт уул идэвхжиж, агаар мандалд үнс нурам цацаж, лаав оргилуулж эхэлжээ.
Дэлхийн хамгийн идэвхтэй галт уулуудын эгнээг тэргүүлдэг Ключевско өнгөрсөн зургаадугаар сараас дэлбэрч эхэлсэн байна. Харин өчигдрийн дэлбэрэлтийн эрчим нэмэгдэж, тогооноос цацагдсан үнс нурам нь 14 км өндөрт хүрчээ.
Уг явдлаас үүдэн орон нутгийн эрх баригчид цэцэрлэг сургуулийн үйл ажиллагааг түр хугацаанд зогсоож, нислэг үйлдэхийг хоригломон бөгөөд 30 км зайтай оршдог Ключи тосгон үнсэнд дарагдаж болзошгүй байгаа юм.
Ташрамд дурдахад Камчаткийн хойгт 300 гаруй галт уул байдгаас 29 нь идэвхтэй ангилалд багтдаг. Өнгөрсөн дөрөвдүгээр сард Шивелуч галт уул дэлбэрэхэд ойр орчмын тосгон суурин газрууд их хэмжээний үнсэнд дарагдаж байжээ.
Б.НАНДИН-ЭРДЭНЭ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
НААДАХ РУУ ЧИНЬ ХАРИН БӨМБӨГ ХАЯЧИХВАЛ ЛАЛАРААРАА ЭРГЭДГИЙН БОЛОВ УУ? БҮТЭН ҮХЭР АМТЛААД ХИЙЧИХВЭЛ ШАРАГДААД ГАРААД ТРЭХНЭЭ