Тендер: Золбин нохой тутмыг 30 мянган төгрөгөөр устгуулна

Эзэнгүй нохой устгах ажил захиалгаар болон үржлээс өмнө зэрэг шалтгаанаар жилдээ 2-3 удаа явагддаг. Нохой устгалын үйлчилгээний хөлс 2016 он хүртэл 5000 төгрөг байсан. НИТХ-ын 2016 оны 96-р тогтоолоор 12,000 төгрөг болгосон.

Гэвч уг зардал нь тус ажлыг гүйцэтгэхэд хүрэлцэхгүй, устгалын компаниуд алдагдалтай ажиллах болсон тул өнгөрсөн гуравдугаар сараас 24 мянган төгрөг болгож шинэчлэн батлуулахаар болсон.

Нэгэн жишээ дурьдахад, Хөвсгөл аймгийн Мөрөн сумын Засаг даргын тамгын газар Золбин нохой устгах үйлчилгээний гүйцэтгэгч сонгох Сонгон шалгаруулалтыг нийтэд зарласан байна.

Ингэхдээ “Золбин нохой устгал”-ын үйлчилгээ нэг нохой тутмыг 30,000.00 (гучин мянган) төгрөгөөр тооцож, 500-г устгуулахаар захиалжээ.

Уг үйлчилгээг эрхлэгчид дараах шаардлагыг тавина.

• Улсын бүртгэлийн гэрчилгээ
• Агнах үйл ажиллагаа явуулах баг нь 4-с дээш хүний бүрэлдэхүүнтэй байх ба 2-с доошгүй анчинтай байна. (Иргэд хамтарч баг болсон тохиолдолд Хамтран ажиллах гэрээний хуулбарыг ирүүлнэ)
• Анчин “Aюулгүй ажиллагааны талаар зохих сургалтад хамрагдсан байна. (Нотлох баримтыг ирүүлнэ)
• Анчин Галт зэвсгийн тухай хуулийн 9 дүгээр зүйлд заасан шаардлагыг хангасан байх.
• Галт зэвсгийн гэрчилгээ, татвар төлсөн баримтыг ирүүлнэ
• Жолооч Ачааны машинтай байна. (Жолоочийн болон автомашины бичиг баримтын хуулбарыг ирүүлнэ)
• Агнах арга, цаг хугацаа, техник хэрэгслээ орон нутгийн онцлог, нөхцөл байдалд тохируулан тодорхойлж хуваарийн хамт ирүүлнэ.

Б.ХАШ-ИЛД

Энэ мэдээнд өгөх таны үнэлгээ

Хуваалцаарай Жиргээрэй