Нийслэлийн авто замын түгжрэлийг бууруулах ажлын хэсгийг хотын гишүүд ахлахаас айжээ.
Тодруулбал, эл ажлын хэсгийг ахлах саналын хотын хэдэн хэдэн гишүүнд тавьсан ч хүлээж аваагүй байна. Улаанбаатар хотоос сонгогдсон УИХ-ын гишүүд түгжрэлийн асуудалд гар дүрэхийг хүсэхгүй, ухарсан бололтой.
Харин хөдөө орон нутгаас сонгогдсон гишүүд авах чигтэй байна. Тухайлбал, Булган аймгаас сонгогдон парламентад сууж буй Ж.Бат-Эрдэнэ гишүүнээр ахлуулахаар яригдаж байгаа сурагтай.
Эл ажлын хэсгийг хоёр жилийн өмнө буюу 2021 оны арваннэгдүгээр сард байгуулж байв. Нийслэл Улаанбаатар хотын хөгжлийн асуудал эрхэлсэн түр хорооны хуралдаанаар Нийслэл Улаанбаатар хотын автозамын түгжрэлийг бууруулахад дэмжлэг үзүүлэх дэд ажлын хэсгийг байгуулсан. Улмаар ахлагчаар нь УИХ-ын гишүүн Г.Амартүвшинг томилж байлаа.
Тус дэд ажлын хэсэг нь түгжрэлийг бууруулах, цаашид нэмэгдүүлэхгүй байхад шаардагдах хууль, эрх зүйн өөрчлөлтүүдэд анхаарал хандуулан ажиллах зорилготой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ айгчид юууч хийж чадахгүй гэсэн үг өөрсдөө ийм болгосон нөхдүүдээссонгож хийлгэе