Үндэсний мэдээллийн МОНЦАМЭ агентлаг, БШУЯ, Соёлын яам хамтран “Монголын сайхан бичигтэн-2023” олон улсын уралдааныг 27 дахь жилдээ зохион байгуулж байна.
Монгол орныхоо болон дэлхийн өнцөг булан бүрээс шилдэг сайхан монгол бичигтнүүдийг тодруулж нийтэд алдаршуулах, тэдний бичлэгийн дадал туршлага, авьяас чадварыг олонд таниулан сурталчлах, монгол бичгээ өөрийн улс болон олон улсын хэмжээнд түгээн дэлгэрүүлэх зорилготой энэхүү уралдаанд:
• 1-11 дүгээр ангийн сурагчид: 1-7 дугаар анги, 8-11 дүгээр анги
• Монгол хэл, бичгийн мэргэжлийн багш
• Насанд хүрэгчид (Үүнд оюутан болон төрөл бүрийн мэргэжлийн хүмүүс, ахмад настан, монгол бичиг сонирхогчид)
• Энэ хичээлийн жилд 12 дугаар анги төгсөх сурагчид
• Уран бичлэгийн ангилал
• Бичвэрийн бус бүтээл
• Сайхан бичигтэн анги
• Монгол туургатны болон бусад гадаад улсын иргэд, монгол бичигтнүүд гэсэн ангилалаар өрсөлдөж болох юм.
Уралдаанд оролцогч 12 дугаар ангийн сурагчид бичлэг бүтээлээ 2023 оны 12 дугаар сарын 1-ний дотор, бусад ангиллын оролцогч мөн сарын 15-ны дотор МОНЦАМЭ агентлагийн “Хүмүүн бичиг” сонины “Монголын сайхан бичигтэн-2023 олон улсын уралдаанд” гэсэн хаягаар ирүүлнэ.
“Монголын сайхан бичигтэн-2023” олон улсын уралдааны удирдамжтай энд дарж танилцана уу.
Т.НАНДИН-ЭРДЭНЭ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.