Чуулган | Ш.Адьшаа: Төрийн албан хаагчдын утасны зардлыг яахаараа төр төлөх ёстой юм

Хуралдааны эхний асуудал болох Төрийн хэмнэлтийн тухай хуулийн нэмэлт өөрчлөлтийн төслийг хэлэлцэхийг УИХ-ын гишүүдийн олонх нь дэмжсэн. Энэ үеэр УИХ-ын гишүүн Ш.Адьшаа дараах байр суурийг илэрхийлэв.

Тэрбээр, "Энэ хууль батлагдсан. Гэхдээ энэ хууль зарим талаараа цаг үеэр олоогүй. Ялангуяа орон нутгийн төр захиргааны байгууллагад маш их хүндрэл учирсан. Үйл ажиллагаа хумигдсан. Үүнд Засгийн газар дүгнэлт хийж оруулж ирж байгаа нь сайн хэрэг. Урсгал зардал, бичиг хэрэг зэрэгт ямар боломж олгож байгаа вэ. Би буруу сонсоогүй бол зарим алба хаагчдын утасны зардлыг төлнө гэж оруулж ирсэн гэв үү. Төрийн албан хаагчдын зардлыг яахаараа төрөөс төлөх ёстой юм бэ. ЭНэ бол Төрийн албаны хэмнэлтийн тухай хуулиа эргээд зөрчиж байгаа хэлбэр. Машин унааны зардлыг төлж болно. Утасныхаа зардлыг өөрсдөө төлцгөө. Утасны зардлыг шатахуун, бичиг хэргийн зардалд нь шингээх хэрэгтэй" хэмээлээ.

ЗГХЭГ-ын дэд дарга буюу Засгийн газрын Хяналт хэрэгжүүлэх газрын дарга Б.Баасандорж: "Төрийн хэмнэлтийн тухай хууль 2022.04.29-нд батлагдсан. Батлагдсанаасаа хойш зорилго, үзэл баримтлалдаа хүрсэн. Ш.Адьшаа гишүүний хөндсөн утастай холбоотой асуудал бусад хангамж буюу энэ хуулийн 12-р зүйлээр зохицуулагдсан. Энэ хуулиар төрийн албан хаагчдыг нийтээрээ утас хэрэглэх эрхийг нь нээгээгүй. Тодорхой албан тушаалтнуудад л албаны утас ашиглах эрхийг нээж өгсөн. Өөрөөр хэлбэл бэлэн байх үүрэгтэй шуурхай албаны алба хаагчийн утасны зардлыг төрөөс хариуцдаг байхаар тусгасан" гэлээ.

Г.Занданшатар: Х.Баттулга, Ч.Хүрэлбаатар нар нийгмийг талцуулахаа боль

АН-ын бүлгийн саналын дараа УИХ-ын дарга Г.Занданшатар: "1072 хувьцааны талаарх УИХ-ын тогтоолыг хэлэлцэнэ. Хөрөнгө оруулалтын хуулиар О.Цогтгэрэл гишүүний ярьж байгаа зөв. Хоёр хүний хэрүүл болж таарахгүй. Женко гэдэг Х.Баттулга ч, Ч.Хүрэлбаатар сайд ч тэр. Нийгмийг талцуулахаа больсон нь дээр. "УИХ-ын гишүүдийг шантаажилж хууль батлуулна, зогсооно гэж одоо байхгүй. Намайг нэг талаас Үндсэн хуулийн цэцэд өгнө, нөгөө талаас зургаан сараар хуулийг барилаа гээд байдаг. Бид эрүүл саруулаар асуудалд хандаж, улс орон, үндэсний язгуур эрх ашгийг эрхэмлэн дээдэлж асуудалд хандана гэдгийг хатуу анхааруулъя” гэв.

Мөн “2013 онд баталсан, одоо мөрдөгдөж буй Хөрөнгө оруулалтын тухай хуулинд 100 жилээр газрыг эзэмшүүлж, ашиглуулна гэх заалтыг баталчхаад одоо хууль зөрчсөн гээд цэцэд өгөх асуудал яриад гүйгээд байгаа нөхөд нийгмийг талцуулж, төөрөгдүүлж, шоуддагаа болих хэрэгтэй" гэлээ.

АН-ын бүлэг "Ч.Хүрэлбаатарын хуулийг эргүүлэн татаж, дахин боловсуул" гэв

УИХ-ын чуулганы өнөөдрийн /2024.01.16/ нэгдсэн хуралдаан 14.00 цагт Төрийн ордонд эхэллээ.

Хуралдааны эхэнд УИХ-ын зарим гишүүд хэлэлцэх асуудлын дарааллын талаар үг хэллээ.

Өнгөрсөн долоо хоногийн хуралдаанаар Хөрөнгө оруулалтын тухай хуулиар УИХ дахь АН-ын бүлэг гурав хоногийн завсарлага авсан. Завсарлагын хугацаа өнөөдөр дуусаж байгаа аж. Тус намынхан байр сууриа нэгтгэжээ.

Тодруулбал, "Хуудуутай олон заалт орж ирсэн. 100 мянган ам.долларын босгын асуудлыг авч хаясан нь буруу. Тиймээс хууль санаачлагч Засгийн газар хуулиа эргүүлэн татаж, засч боловсруулан дахин өргөн барих шаардлагатай" гэж үзсэн байна. Үүнийг УИХ дахь АН-ын бүлгийн дарга О.Цогтгэрэл онцлов.

Энэ мэдээнд өгөх таны үнэлгээ

Хуваалцаарай Жиргээрэй