СПОРТ
Боксчдыг олимпын эрхийн тэмцээнээс хоцроосон Ц.Батнасангийн оронд МУГТ П.Сэрдамба очив
Манай боксчдыг гурав болон тавдугаар сард олимпын эрх олгох чухал хоёр тэмцээн хүлээж байв. Анхных нь гуравдугаар сарын 06-нд Италийн Буста Ацизо хотод эхэлсэн ч манай баг тамирчид оролцож чадаагүй юм.
Учир нь тус холбооны генсек Ц.Батнасан боксын үндэсний шигшээ багийн оролцох байсан олимпын эрх олгох анхны тэмцээний мэдүүлгийг нэгдүгээр сарын 19-нд багтааж зохион байгуулагчдад хүргэх байсан ч хариуцлага алдаж хүргүүлээгүй гэгдсэн. Товчхондоо энэ шалтгаанаар манай боксчид тус тэмцээнд оролцоогүй бөгөөд тэдэнд тавдугаар сард болох оломпын эрх олгох нэг л тэмцээн үлдээд буй.
Тэгвэл тус холбооны хариуцлага алдсан гэх генсекийн оронд МУГТ, Хөдөлмөрийн баатар П.Сэрдамбыг удирдах зөвлөлийн хурлаар сонгожээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.