Монголын урлагийн зөвлөл нь “Улаанбаатар” олон улсын медиа урлагийн наадмыг ес дэх жилдээ “Харж буйдаа итгэхүй” сэдвийн дор Монголын Уран зургийн галерей болон “Улаан гэр” галерейд зохион байгуулж байна.
Өчигдөр буюу тавдугаар сарын 7-нд Уран зургийн галлерейд наадмын нээлт боллоо. Нээлтийн фото сурвалжилгыг та бүхэнд хүргэе.
Өнгөрсөн 2016 оноос эхлэн жил бүр зохион байгуулдаг энэ медиа урлагийн наадамд Монгол болон олон улсын 130-аад уран бүтээлчид медиа бүтээлээ толилуулжээ.
Харин энэ жил Герман, Тайвань, Монгол, Словени, Франц, Америк, Испани улсын 14 уран бүтээлчийн медиа бүтээлүүд “Харж буйдаа итгэхүй” сэдвийн дор нэгдэж, ертөнцийг харах, мэдрэх, түүнтэй харилцах харилцаанд дижитал технологийн хөгжил хэрхэн нөлөөлж буйг бидэнд харуулах болно.
БИД ХАРЖ БУЙ БҮХЭНДЭЭ ИТГЭХ ҮҮ?
Хүмүүсийн өдөр тутмын харилцааны зайлшгүй нэг хэсэг болсон зураг нь бодит байдлын дүрслэлээс хэтэрч хүмүүний үзэл бодол, төсөөлөл зэргийг харуулах болсон. Ийнхүү бидний амьдралын зайлшгүй нэг хэсэг болсон зураг нь технологийн дэвшлийн тусламжтай хиймэл оюун ухаан, кодчилол, дижитал филтер, хүний нүүр царайг хуулбарлах технологи зэргийг ашиглан бодит байдлыг хуулбарлаж эхэлснээр бодит байдал, үүсмэл ертөнц хоёрын заагийг улам бүдгэрүүлсээр байна.
Уран бүтээлчид:
- Куратор: Инга Сейдлер (Герман)
- Ньевес дэ ла Фуэнте Гутьеррес (Испани)
- Улу Браун (Герман)
- Марго Гийемо (Франц)
- Чю Чи Сэн (Тайвань)
- Чэнь Ю-Ронг (Тайвань)
- Ван Бо Янь (Тайвань)
- Уильям Мэтисон (Америк)
- Анже Секель (Словени)
- Б. Бат-Эрдэнэ (Монгол)
- Э.Цагаанцоож (Монгол)
- Х.Одбилэг (Монгол)
- Г.Мөнхболор (Монгол)
- Ж.Анунаран (Монгол)
- Г.Энх-Амар (Монгол)
ХӨТӨЛБӨР:
- 2024 оны 5-р сарын 07-ноос 5-р сарын 19-ний хооронд
СУРГАЛТ:
- Монголын Уран зургийн галерейд 2024.05.09 Испанийн уран бүтээлч Ньевес дэ ла Фуэнте Гутьерресийн “Метаверст ертөнц бүтээх нь” сургалт
- “Улаан гэр” галерейд 2024.05.11 Тайванийн уран бүтээлч Ван Бо Янь-ийн “Прожекшн маппинг” сургалт
ЛЕКЦ:
- Монголын Уран Зургийн Галерей: 2024.05.14 Фестивалийн куратор Инга Зайдлерийн “Дижитал орчин дахь кураторын оролцоо” лекц
Гэрэл зургуудыг О.Улсболд
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.