УЛС ТӨР

Эрхүү мужийн ИТХ-ын дарга Ведерников Александр тэргүүтэй төлөөлөгчдийг хүлээн авч уулзлаа

ОХУ-ын Эрхүү мужийн Иргэдийн Төлөөлөгчдийн Хурлын дарга Ведерников Александр тэргүүтэй төлөөлөгчид манай улсад албан айлчлал хийж байна. Өнөөдөр Нийслэлийн ИТХ-ын дарга Ж.Батбаясгалан Эрхүү мужийн төлөөлөгчдийг хүлээн авч уулзлаа. 

Эрхүү мужийн Иргэдийн Төлөөлөгчдийн Хурал нь олон намын төлөөллөөс бүрддэг. Энэ үзүүлэлтээрээ Холбооны улсын хэмжээнд дээгүүр эрэмбэлэгддэг бөгөөд асуудалд олон ургальч үзлээр хандах бололцоог олгодог гэдгийг ноён Ведерников Александр тодотголоо. Мөн тэрбээр Эрхүү мужийн Иргэдийн Төлөөлөгчдийн Хурлаас дэвшүүлж буй нутгийн удирдлагын төлөөллийн байгууллага хоорондын хамтын ажиллагааны санаачилгыг Нийслэлийн ИТХ-аас дэмжихийг хүссэн юм. Түүнчлэн хоёр орны залуучууд хоорондын хөтөлбөрийг дэмжиж ажиллахыг хүсэв. Нийслэлийн ИТХ-ын дарга Ж.Батбаясгалан хөрш зэргэлдээ бүс нутаг, хотууд хоорондын хамтын ажиллагааны чухлыг онцлоод Эрхүү мужийн ИТХ-ын даргын санаачилгыг дэмжиж ажиллахаа илэрхийлэв. Уулзалтад Нийслэлийн ИТХ-ын Эдийн засаг, төсвийн хорооны дарга М.Халиунбат, төлөөлөгч Г.Гангамөрөн, Б.Энхбаяр болон Ажлын албаны бусад албан хаагчид байлцлаа.

Энэ мэдээнд өгөх таны үнэлгээ
Like
Love
Haha
Wow
Sad
Angry

Д. Мөнхбат

Утга зохиол судлаач, сэтгүүлч мэргэжилтэй. МҮОНР-ийн Урлаг соёлын алба болон МҮОНТ-ийн Нийгэм, эдийн засаг, бодлогын нэвтрүүлгийн редакцад сэтгүүлчээр ажиллаж байсан. Сэтгүүл зүйн салбарт гурав дахь жилдээ ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button