Ерөнхийлөгчийн хүмүүс хүссэн тойргоо авлаа

УИХ-ын 2024 оны сонгуульд МАН, АН, ХҮН, Үндэсний эвслүүдээс нэр дэвших хүмүүсийн нэрс олон нийтэд ил боллоо. Үүнээс Ерөнхийлөгчийн хүмүүс анхаарал татаж байна. Тэд бүгдээрээ, бүр санасан тойргоо авцгаажээ.

Ерөнхийлөгчийн хоёр ч зөвлөх 48 жагсаалтад багтсан. Тодруулбал, Соёл, шашны бодлогын зөвлөх Д.Бум-Очир жагсаалтын 15-д дэслэгдсэн. Мөн Боловсрол, шинжлэх ухаан, технологийн бодлогын зөвлөх Чоймаагийн Лодойравсал жагсаалтын 23 дугаарт дэслэгдлээ. Харин дараах хүмүүс нь тойрогт нэр дэвших эрхээ авч чадав.

1. Гүрсэдийн Сайханбаяр Баянхонгор, Өвөрхангай, Архангайн I тойрог
2. Батмөнхийн Батцэцэг Баянхонгор, Өвөрхангай, Архангайн I тойрог
3. Батсуурийн Даваадалай Баянхонгор, Өвөрхангай, Архангайн I тойрог
4. Загджавын Мэндсайхан Завхан, Увс, Ховд, Говь-Алтайн II тойрог 
5. Сүрэнжавын Лүндэг Төв, Сэлэнгэ, Дархан-Уулын V тойрог
6. Жадамбын Энхбаяр Төв, Сэлэнгэ, Дархан-Уулын V тойрог
7. Өлзийбаярын Золбаяр Өмнөговь, Дорноговь, Дундговь, Говьсүмбэрийн VII тойрог 
8. Тогтмолын Мөнхсайхан Хан-Уул дүүргийн XII тойрог
9. Ухнаагийн Отгонбаяр Дорнод, Хэнтий, Сүхбаатарын VI тойрог тус тус авцгаалаа.  

УУХҮ-ийн сайд Ж.Ганбаатар, Эрчим хүчний сайд Б.Чойжилсүрэн, Түгжрэл хариуцсан сайд Б.Дэлгэрсайхан гэхчлэн МАН доторх том наймаачид.

Ерөнхий сайдын нөмөр доор ажил байдлаараа дархлагдагсад. Ховдын Засаг дарга Э.Болормаа, ХЗДХ-ийн дэд сайд Б.Солонгоо гэх мэт залуу эмэгтэйчүүд.

Ерөнхийлөгчийн нөлөөгөөр “толгой өвдөхгүй” мандатаа авах хүмүүс тойргоо зовлонгүй авах чигтэй байсан.

Энэ ч ёсоор болж Ерөнхийлөгч У.Хүрэлсүхийн нөлөө өндөр хэвээр буй нь харагдав. Одоо эдгээр хүмүүст яаж танигдах вэ гэдэг л асуудал байгаа юм.

У.УЯН

Энэ мэдээнд өгөх таны үнэлгээ

Хуваалцаарай Жиргээрэй