Өчигдөр цахим сүлжээнд Японы алдарт Шохэй Оно аваргыг онгоцны ослоор нас барсан гэх мэдээлэл цацагдсан. Нягтлахад энэ мэдээлэл худал бөгөөд осолдсон гэх онгоцонд тэрбээр байгаагүй аж. Мөн түүний хувьд өөрийн инстаграм хаяг дээр бичлэг оруулснаар дээрх мэдээлэл няцаагдаж байна.
-Шохэй Оно гэж хэн бэ-
Шохэй Оно 1992 оны хоёрдугаар сарын 03-нд Японы Ямагүчи мужид төрсөн. Биеийн өндөр 173 см, 73 кг-ын жинд барилддаг. Жүдо бөхийн хар бүс таван дантай. Долоон настай байхдаа жүдо бөхөөр хичээллэж эхэлсэн бөгөөд тухайн жилдээ ангийнхаа хүүхдүүдийн дунд хамгийн муу барилддаг нь байв. Жилийн хугацаа өнгөрсний дараа тэрээр илт сайжирч дээд ангийнхаа ах нарыг ялдаг болсноос гадна Японы бүх сурагчдын дунд зохиогддог тэмцээндээ V байрт орж байсан. Дараа жил нь тус тэмцээнээсээ мөнгөн медаль хүртэж амжилтаа ахиулж байжээ.
Оно нэг ярилцлагад "Миний бага насанд ялагдаад уйлж байснаас өөр дурсамж үлдээгүй" гэсэн байдаг. 2010 онд Японы "Тенреги" их сургуульд элсэн орсон. Тэр жилдээ Францад болсон залуучуудын тэмцээнд оролцон аварга болж байжээ. Мөн 2013 оны тавдугаар сард зохион байгуулагдсан бүх Японы аварга шалгаруулах тэмцээнээс хүрэл медаль хүртсэн хэдий ч олон улсын тэмцээнд амжилт үзүүлсэн гэдэг шалтгаанаар үндэсний шигшээ багтаа дуудагдсан.
Оногийн томоохон амжилтууд:
- "Рио-2016" олимпийн наадам-Алт
- "Токио-2020" олимпийн наадам-Алт
- "Рио Де Жанейро-2013" дэлхийн аварга-Алт
- "Астана-2015" дэлхийн аварга-Алт
- "Токио-2019" дэлхийн аварга-Алт
- "Жакарта-2018" Азийн наадам-Алт
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ypon buhchud ugasa alt l awahiin tuluu barilddag uls shde mnaihan shig zvger mungu hurel bol sonin bishe ypon buhud ted naraas siraltsah heregtei tamine