Аж үйлдвэрийн салбарын нийт үйлдвэрлэл 2024 оны эхний найман сарын урьдчилсан гүйцэтгэлээр 21.1 их наяд төгрөг болж, өмнөх оны мөн үеэс 2.2(11.4%) их наяд төгрөгөөр өслөө. Үүнд уул уурхай олборлолт 2.0(14.8%) их наяд төгрөг, цахилгаан хий, уур, агааржуулалтын салбар 90.0(7.6%) тэрбум төгрөгөөр тус тус өссөн нь голлон нөлөөлжээ.
Уул уурхай, олборлох аж үйлдвэрийнсалбарын нийт үйлдвэрлэл 2024 оны эхний найман сарын урьдчилсан гүйцэтгэлээр 15.3 их наяд төгрөг болж, өмнөх оны мөн үеэс 2.0 (14.8%) их наяд төгрөгөөр өсөхөд,
- Чулуун болон хүрэн нүүрс олборлолт 2.0 (37.6%) их наяд төгрөгөөр,
- Бусад ашигт малтмал олборлолт 51.6 (30.6%) тэрбум төгрөгөөр тус тус өссөн нь голлон нөлөөлсөн байна.
Уул уурхай, олборлох аж үйлдвэрийн салбарт зэсийн баяжмал, металл агуулгаараа, мөнгөний баяжмал, хүрэн нүүрс, баяжуулсан нүүрс, хайлуур жоншны баяжмал, төмрийн хүдэр, чулуун нүүрс, цайрын баяжмал, төмрийн хүдрийн баяжмал, хайлуур жоншны биет хэмжээ өмнөх оны мөн үеэс 2.0–57.9 хувиар өсөж, харин цэвэршүүлээгүй алт, газрын тос 12.8–14.5 хувиар буурчээ.
Боловсруулах аж үйлдвэрийн салбарт шингэн сүү, цемент, ус, ундаа жүүс, цагаан архи зэрэг гол нэр төрлийн бүтээгдэхүүний үйлдвэрлэлийн биет хэмжээ 5.7–40.8 хувиар өссөн үзүүлэлттэй. Харин металл бэлдэц, ноолууран сүлжмэл эдлэл, цэвэр спирт, нүүрсэн шахмал түлш, шохой, малын мах, гурил, янжуур тамхи, самнасан ноолуур, катодын зэс зэрэг гол нэр төрлийн бүтээгдэхүүний үйлдвэрлэл 1.0– 38.9 хувиар буурсан байна.
З.УЧРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.