Монголын охидын хамтлагийн том төлөөлөл болох "Киви" хамтлаг анх 2004 онд үүсэн байгуулагдаж байв. Энэ жил тэдний 20 жилийн ой тохиож байна. Одоогийн байдлаар хамтлагийн дуучин П.Алтанцэцэг буюу Агий эрүүл мэндийн шалтгаанаар тайзнаа гарахгүй байгаа. Тиймээс Б.Халиун хамтлагийнхаа бүрэлдэхүүнд эргэн нэгдээд буй. Тэд,
- 2006 онд "Хүслээ хэлнэ"
- 2007 онд "Гурван сэтгэл, нэг хүсэл"
- 2008 онд "Чамд амжилт хүсье"
- 2009 онд "Хүсэл"
- 2010 онд "Бидний дурлал"
- 2010 онд "Киви таван нас хүрлээ"
- 2013 онд "Greatest Hits"
- 2013 онд "Киви 2014" зэрэг найман цомог гаргасан бөгөөд одоо ч дуулагдсаар байгаа хит уран бүтээлийн эзэд юм.
Хамгийн сүүлд "Киви" хамтлаг өнгөрсөн баасан гарагт "Ocean Grey" продакшны 11 жилийн ойн тоглолтод дуулав. Энэ үеэр арваннэгдүгээр сарын 30-ны өдөр 20 жилийн ойн тоглолтоо АСА циркт хийнэ гэж мэдэгдлээ.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.