СПОРТ
“World masters”: О.Ууганбаатар хоёрдугаар тойрогт яллаа
Жүдо бөхийн “World masters” тэмцээн БНХАУ-д хоёр дахь өдрөө үргэлжилж байна. Тэмцээний эхний өдөр Монголын 10 жүдоч барилдсанаас Г.Хэрлэн, Г.Наранцэцэг нар мөнгө, Ё.Басхүү хүрэл медаль хүртэн, М.Уранцэцэг V байрт шалгарсан.
Өнөөдөр Монголын зургаан бөх барилдаж буйгаас Гавьяат тамирчин Г.Одбаяр ялагдан, тэмцээнээ дуусгасан.
Эрэгтэйчүүдийн 81 кг-д зодоглож буй Токиогийн “Их дуулга”-д түрүүлсэн Монголын анхны эрэгтэй жүдоч, Азийн аварга, “Сүлд” спорт хорооны бөх О.Ууганбаатар эхний тойрогт гоц мөргөсөн. Хоёрдугаар тойрогт Австрийн жүдоч Шамил Борчашвилийг цэвэр яллаа.
О.Ууганбаатар дараагийн даваанд ОХУ-ын бөх Алан Хубецовтой өрсөлдөнө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.