Банк бус санхүүгийн байгууллагаас олгосон иргэдийн зээлийн хэмжээ 2019 оноос хойш хурдацтай нэмэгдэж буй талаар албаны эх сурвалж мэдээллээ. 2024 оны 2 дугаар улирлын байдлаар ББСБ-ын иргэдийн зээлийн үлдэгдэл 4.1 их наяд төгрөгт хүрч, өмнөх оны мөн үеэс 49.3 хувиар, 2018 оны эцсээс 5.7 дахин нэмэгдсэн дүнтэй гарсан байна.
ББСБ- уудын санхүүжилтийн эх үүсвэр тогтвортой нэмэгдсээр байгаа нь голлох нөлөөг үзүүлж байгаа бол эрэлтийн талаас технологийн дэвшлийн тусламжтайгаар ББСБ-аас зээл авахад хялбар болсны зэрэгцээ зохицуулалттай банкны зах зээлээс зээл авах шалгуураас давсан зээлдэгчид нь зохицуулалтгүй ББСБ-уудын зах зээлээс зээл авах хандлага ажиглагджээ. Иргэдийн нийт зээлийн 70.1 хувийг банкны салбарын зээл, 14.3 хувийг орон сууцны хөнгөлөлттэй зээлийн хөтөлбөрийн хүрээнд олгосон ипотекийн зээл, 14.7 хувийг ББСБ-ийн зээл, 0.9 хувийг ХЗХ-ны зээл тус тус бүрдүүлж байна. Харин банкинд хамаарах иргэдийн зээлийг зориулалтаар нь авч үзвэл 53.3 хувийг хэрэглээний зээл, 23.6 хувийг ипотекийн зээл, 17.4 хувийг ЖДҮ-ийн зээл эзэлж байгаа талаар Монголбанк Тогтвортой байдлын тайландаа дурджээ.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ л жинхэнэ амьдр�##� хэр байгааг харуулж байгаа юм.
болж дээ ПУТИН Л сайн байв�##� манайх ч хэдэн үеэрээ ийм л амьдарсан. Бид яахавээ гэдэг орос эмгэний яриа санаанд орчихлоо үхэр тэнэгүүдээ