АНУ-ын Лас Вегас хотноо жүдо бөхийн ахмадын дэлхийн аварга шалгаруулах тэмцээн болж өндөрлөлөө.
Тэмцээний сүүлийн буюу дөрөв дэх эрэгтэйчүүдийн М2, эмэгтэйчүүдийн F1-F9 хүртэлх ангиллын тэмцээн болов. Эрэгтэйчүүдийн 35-39 насны ангиллын 73 кг-д олон улсын хэмжээний мастер Д.Алтансүх алтан медаль хүртсэн бол Ч.Магнай мөнгө, +100 кг-д барилдсан Б.Жанчивдорж хүрэл медалиар энгэрээ мялаажээ.
Тэгвэл эмэгтэйчүүдийн 30-34 насны 63 кг-д олон улсын хэмжээний мастер Ц.Цэрэннадмид алт, -78 кг-д Б.Түмэнцэцэг мөнгө, 45-49 насны +78 кг-д гавьяат тамирчин Д.Цэрэнханд алт, 50-54 насны -78 кг-д Ж.Дорждулам хүрэл, 60-64 насны -78 кг-д Б.Алтансувд хүрэл, 65-69 насны 63 кг-д С.Оюунбилэг хүрэл медаль тус тус хүртсэн байна. Ингэснээр манай жүдочид 17 медальтай эх орондоо ирэхээр болж байна. Тодруулбал, таван алт, таван мөнгө, долоон хүрэл медаль хүртэв.
М.АГАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.