Valve-аас жилд хоёр удаа зохиодог CS2-ын дэлхийн аваргыг шалгаруулах тэмцээн өнөөдөр эхэлнэ. Тус тэмцээн нь олон нийтийн сайн мэдэх "major"-ын 2024 оны хоёр дахь тэмцээн аж.
1,250,000 ам.долларын шагналын сантай тэмцээнийг Хятадын "Perfect World" компани Шанхай хотноо зохион байгуулж байгаа тул "Perfect World Shanghai Major 2024" хэмээн нэрлэсэн билээ.
Дэлхийн шилдэг 24 баг гурван шат дамжин тоглох энэхүү тэмцээнд Монголын "The MongolZ" баг, монгол дасгалжуулагчтай Австралийн "FlyQuest" багууд оролцож байна.
The MongolZ эхний шатанд нэг бүсээс шалгарсан Хятадын "Rare Atom" багтай өнөөдөр 14:00 цагаас тоглоно. Харин FlyQuest-ын эхний учраа нь Америкийн бүсийн толгой багуудын нэг "Complexity Gaming" байх юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.