Япон улсын иргэн 2023 оны 12-р сард дэлхийн хамгийн өндөр настай хүнээр тодорч байсан Томико Итора таалал төгсчээ. Тэрээр, 1908 оны 5-р сарын 23-нд Осака хотод төрсөн бөгөөд айлын гурван хүүхдийн том нь бөгөөд багаасаа спорт, тэр дундаа волейболоор хичээллэдэг байсан аж. Дэлхийн II дайны үед гэр бүл зохиож, Японд гэр бүлийн бизнес эрхэлдэг байжээ. Урт насласан нууцаа, үргэлж хөдөлгөөнтэй, идэвхтэй амьдарч ирсэн бөгөөд ууланд авиралт хийж, японы калпис нэртэй сүүн ундааг тогтмол уудаг байсан талаараа хуваалцаж байсан юм.
Түүнийг нас барсны дараа дэлхийн хамгийн өндөр настай хүнээр 116 настай Бразилын Ина Канабарро Лукас тодорсон байна.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.