Анх удаа орон сууц худалдан авсан бол хэрхэн хөнгөлөлт эдлэх вэ

Иргэн анх удаа орон сууц худалдан авсан болон дотоод гадаадын их, дээд, сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг 1 дүгээр сарын 1-ээс Татварын ерөнхий газарт өгнө.
Анх удаа амьдран суух зориулалтаар орон сууц худалдан авсан тохиолдолд:
2020 оноос өмнө орон сууц худалдан авсан, хувьдаа орон сууц барьсан бол өмнөх хуулиар буюу 30,0 хүртэлх сая төгрөгийн орлого чөлөөлж 3,0 хүртэлх сая төгрөгийн буцаан олголт авах, 2020 оны нэгдүгээр сарын 1-нээс хойш орон сууц худалдан авсан, хувьдаа амьдран суух орон сууц барьсан иргэн 6 сая хүртэлх төгрөгийн албан татварын хөнгөлөлт эдэлж буцаан олголт авдаг болсон.
Эхний жил:
Хувь хүний орлогын албан татварын ТТ-06 тайлан бэлтгэж, дараах бүрдүүлэх материалыг хавсаргаж татварын цахим системд илгээнэ.
/e-tax.mta.mn/
- Цахим тайлан тайлангийн системд автоматаар татагдах материал:
- “Иргэний үнэмлэх” ХУР системээс
- “НД-ын лавлагаа” ХУР системээс
- “Үл хөдлөх эд хөрөнгийн лавлагааг” ХУР системээс Ү-дугаараар автомат
- -хувь хүнээс худалдан авсан бол “Үл хөдлөх эд хөрөнгө борлуулсны 2%-ийн татвар төлсөн баримт” /төлбөрийн даалгаврын дугаар захиалгын гэрээгээр худалдан авсан бол борлуулагчаас төлбөрийн баримтыг авсан байх /сугалааны дугаар, дахин давтагдашгүй дугаар/
Татвар төлөгчийн файлаар хавсаргах материал: / цахим тайлангийн бүрдүүлэх материал хэсэгт файлаар хавсаргах, хүсэлтийг бөглөх/
• “Худалдах худалдан авах гэрээ” эсвэл “Захиалгын гэрээ”
• “Орлого нотлох баримт” Татвар төлсний дараах орлогоор худалдан авсныг нотлох баримт /арилжааны банк болон банк бус санхүүгийн байгууллагаас авсан зээл, хадгаламж гэх мэт/
• Буцаан олголт авах хүсэлт бөглөх
Сургалтын төлбөрийн хөнгөлөлтөд хэрхэн хамрагдах вэ
- Тайлан гаргахад:
- Иргэний үнэмлэх /ХУР системээс автоматаар татагдана/
- Нийгмийн даатгалын лавлагаа /ХУР системээс автоматаар татагдана/
- Татвар төлөгчийн бүрдүүлэх материал:
- Цахим тайлан гаргах, илгээх /e-tax.mta.mn/
- Сургуулийн тодорхойлолт
- Сургалтын төлбөр төлсөн баримт
- Буцаан олголт авах хүсэлт /цахим тайлангийн хавсралтаар байна/
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.