Сингапур улсад гуравдугаар сарын 26-30 ны өдрүүдэд FIBA 3×3 сагсан бөмбөгийн 2025 оны Азийн аварга шалгаруулах тэмцээн болно. Тэмцээнд эрэгтэй 25, эмэгтэй 23 улсын шигшээ багууд өрсөлдөх юм.
Харин манай улсаас эрэгтэй, эмэгтэй шигшээ багууд бүрэн бүрэлдэхүүнээрээ оролцохоор бэлтгэгдэж байна.
Эрэгтэйчүүдийн шигшээ багт А.Ананд, Д.Дэлгэрням, Э.Дөлгөөн, Ц.Отгонжаргал нар дуудагдсан. Тэд тэмцээнийг зохион байгуулагч Сингапур улсын баг болон урьдчилсан шатнаас тодрох өөр нэгэн багийн хамт “А” хэсэгт өрсөлдөнө.
Тэгвэл эмэгтэй шигшээ багийн бүрэлдэхүүнд Б.Ариунцэцэг, Э.Нарангоо, М.Булбул, О.Хулан нар багтсан. Манай баг Тайланд болон мөн урьдчилсан шатнаас тодрох багийн хамт “B” хэсэгт хүч сорино. Тэдний эхний тоглолт гуравдугаар сарын 29-ний өдөр болно.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.