БНСУ-ын Дотоод хэргийн яам, Аюулгүй байдлын яамны өдөр тутмын үндэсний аюулгүй байдлын удирдлагын байдлын тайлангийн өнөөдрийн /2025.04.02/ мэдээллээр, Кёнбүкт гарсан түймрийн улмаас эмчилгээ хийлгэж байгаад хүнд бэртсэн нэг хүн амиа алдсан.
Ингэснээр хээрийн түймрийн улмаас амь үрэгдэгсдийн тоо 31-д хүрлээ. Харин хүнд гэмтсэн найм хүн, хөнгөн гэмтсэн 36 хүн, нийт 75 хүн гэмтэж бэртсэн байна. Мөн 4115 орон сууц, 1914 газар тариалан, мал аж ахуйн барилга байгууламж, 7 сүм хийд, 986 бусад байгууламж зэрэг 6922 барилга байгууламж эвдэрсэн гэсэн урьдчилсан тооцоо гарсан байна. Түймэрт нэрвэгдсэн ойн талбай нь 11 бүс нутаг, 48238 га талбай.
Харин Кёнбүк, Кённам мужид 115 хоргодох байранд 1997 өрх, 3307 хүн байрлаж байгаа аж.
Урьд өмнө тохиолдож байгаагүй хээрийн түймрийн гамшгийг арилгахад зориулж хандив тусламж тус улсын өнцөг булан бүрээс ирж, өчигдөр 17:00 цагийн байдлаар олон нийтийн цуглуулсан нийт дүн 76.92 тэрбум вон болжээ.
Эх сурвалж: Yonhapnews
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.