Чөлөөт бөхийн насанд хүрэгчдийн УАШТ Спортын төв ордонд үргэлжилж байна. Тэмцээний эмэгтэйчүүдийн 57 кг-д Баянхонгор аймгийн бөх Б.Хонгорзул аваргын төлөөх барилдаанд улсын хошой аварга А.Батцэцэгийг 8:2-оор яллаа.
Баянхонгор аймгийн дасгалжуулагч С.Мөнхдуулдахын шавь тэрбээр өнгөрсөн жил 18 настайдаа насанд хүрэгчдийн УАШТ-ээс хүрэл медаль хүртсэн.
Өнөө жил түүнийгээ ахиулан, 19 насандаа УАШТ-д анх удаа түрүүлэв. Б.Хонгорзул өсвөр үеийн дэлхийн аварга, 23 хүртэлх насны ангиллын Азийн аварга, өсвөр үеийн УАШТ-ий дөрвөн түрүүтэй.
2014, 2018 оны УАШТ-д түрүүлж, өнгөрсөн жил Гавьяат тамирчин С.Цэрэнчимэдэд дийлдэн, үзүүрлэсэн А.Батцэцэг энэ жил дахин мөнгөн медаль хүртлээ.
Түүний багш нь Хасу мегастарс клуб, үндэсний шигшээ багийн дасгалжуулагч, Гавьяат дасгалжуулагч Ц.Баярсайхан.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.