Монгол Улсын үндэсний агаарын тээвэрлэгч "МИАТ" ТӨХК олон улсын нислэгийн чиглэлээ өргөжүүлж, ирэх сараас /2025.06.06/ эхлэн Хятадын Өвөр Монголын Өөртөө Засах орны төв болох Хөх хот чиглэлд долоо хоног бүрийн Лхагва, Баасан, Ням гарагт тогтмол хуваарийн дагуу шууд нислэг үйлдэхээр болжээ.
Тус шинэ чиглэл нь Монгол, Хятад хоёр улсын худалдаа, аялал жуулчлал болон соёлын харилцааг нэмэгдүүлэхэд чухал хувь нэмэр болохыг салбарын мэргэжилтнүүд онцоллоо.
Хөх Хот чиглэлийн нислэгийн цагийн хуваарь болон тийзийн мэдээллийг МИАТ ТӨХК-ийн албан ёсны вэбсайт, фэйсбүүк хуудас, мэдээлэл лавлагааны 11-333-999 дугаар, тасалбар түгээврийн төвүүд, болон Зорчигчийн тийз борлуулагч агентуудаас авах боломжтой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.