Нийслэлийн Хан-Уул дүүргийн 19 дүгээр хороонд байрлах орон сууцны байрны цахилгаан дамжуулах кабель утас шатаж байна гэх дуудлага тавдугаар сарын 27-ны өдрийн 13:35 цагт Онцгой байдлын ерөнхий газарт иржээ.
Дуудлагын дагуу Онцгой байдлын албаны 14 дүгээр ангийн алба хаагчдыг очиход тус байрны 6 дугаар давхраас, 13 дугаар давхар хүртэлх цахилгааны утас шатаж байжээ. Галын улмаас үүссэн утаажилтын бүсээс 85 иргэнийг гаргаж галыг унтраажээ.
Нэмэлт: Гал түймрийн аюулын 19 хувийг цахилгаанаас үүдэлтэй гал түймэр эзэлдэг. Цахилгаан холболтыг буруу холбосноос гал түймэр гарах үндэс болдог. Цахилгаан холболтыг холбохдоо хоёр өөр төрлийн металл утсыг холбож болохгүй ба айл өрхийн түвшинд цахилгааны холболтыг заавал мэргэжлийн хүнээр хийлгэх шаардлагатай байдаг. Цахилгаанаас үүдэлтэй галыг хүчдэлийг салгахгүйгээр усаар унтраахыг хатуу хориглодог.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.