"E-Mongolia"-гаар санал авч дуусаад, Засгийн газар наадмын дараа 100 хоногийн "төлөвлөгөө"-гөө батална
Засгийн газар даваа гарагт ээлжит бусаар хуралдаж, 100 хоногт багтаан хэрэгжүүлэх зарим арга хэмжээний албан даалгаврын төслийг хэлэлцсэн.
Албан даалгавартаа 100 хоногийн хугацаанд хийж хэрэгжүүлэх Засгийн газрын тодорхой ажлуудыг тусгасан бөгөөд, эдгээрт одоогийн байдлаар,
- Бүх шатанд чиг үүргийн давхардлыг арилгаж, цомхон бүтцээр ажиллах
- Стратегийн ач холбогдол бүхий ашигт малтмалын орд болон түүний үүсмэл ордыг ашиглаж байгаа хуулийн этгээдүүдтэй хувьцааны хувь хэмжээг тогтоох асуудлаар хэлэлцээ хийх
- Анхан шатны хоршоодын үйл ажиллагааг бэхжүүлж, малчин хоршоологчид, жижиг, дунд үйлдвэрлэл, үйлчилгээ эрхлэгчидтэй хамтран дундын хоршоо байгуулах
- Нийтэд хүлээлт үүсгэсэн авлига, албан тушаалын хэргийн шийдвэрлэлтийг эрчимжүүлэх талаар холбогдох хууль тогтоомжид нийцүүлэн шуурхай арга хэмжээ авч ажиллах зэргийг тусгасан хэмээн хэвлэлийн албанаас нь мэдээлсэн байна.
Тэгэхээр 100 хоногийн дотор Л.Оюун-Эрдэнийн Засгийн газрын үед эхэлсэн стратегийн орд эзэмшигчидтэй хэлцэл хийх сэдэв дахин хөндөгдөх бололтой. Нөгөө талаар авлига, албан тушаалын хэрэг гэж дурдсан нь анхаарал татав. Түүнчлэн төсвийн тодотголтой холбогдуулсан, төрийн албыг цомхотгох ажил энэ зун үргэлжлэн хийгдэх аж.
Сонирхолтой нь, 100 хоногийн албан даалгавар дотроо иргэдийн саналыг тусгахаар шийдвэрлэсэн. Энэ хүрээнд E-Mongolia платформоор дамжуулан, нэн тэргүүнд тулгамдаад буй ямар асуудлыг шийдвэл зөв бэ гэсэн санал асуулгыг явуулж эхэлжээ.
Энэ санал асуулгыг Үндэсний их баяр наадам дуустал буюу долдугаар сарын 15-ныг хүртэл авах аж. Улмаар наадмын дараа нэгтгэж, Засгийн газар 100 хоногийн "төлөвлөгөө"-гөө батлах нь.
Наймдугаар сараас эхэлнэ гэж тооцвол арваннэгдүгээр сарын дунд хүртэл хийх ажлын төлөвлөгөөгөө тодорхой болгоно гэсэн үг юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөөрхий хамаг ажлыг хийж бөөс хуурсыг нь цэвэрлэж суудаг төрийн �##�баныхаа хэдэн борчуудыг х�##�аад, жийчихсэн, одоо үлдсэн хэдэн сугаа бас амраахгүй ажиллуулна гэнэ үү яасан ч дээрлэхэж ханадаггүй новшууд вэ, удахгүй л хагас жилийн дараа адилхан ажилгүй гудамжинд таарна шүү дээ хэдүүлээ.
Ямар ч ажлын чадваргүй хий хөөрцөглөж, танил т�##�, �##�бан туша�##�ын төлөө нүдээ ухаж өгөхөөс буцахгүй хууль зөрчин томилсон хэдэн менежерүүдээ эхэлж цэгцэлчихээд дараа нь цомхон бүтэц ярив�##� илүү үнэнд нийцнэ.