Засгийн газрын ээлжит хуралдааны шийдвэрийг мэдээллээ.
Үүгээр Цахим хөгжил, инновац, харилцаа холбооны яамны Төрийн нарийн бичгийн дарга П.Алтан-Одыг чөлөөлж, хууль хяналтын байгууллагаар шалгуулахыг даалгасан байна.
Тус яамны 2024 оны санхүүгийн тайланд хөтөлбөр, арга хэмжээний батлагдсан төсөвт тусгагдаагүй арга хэмжээг санхүүжүүлсэн, тайлант онд хэрэгжих боломжгүй ажил үйлчилгээний зардлыг олгосон, эдийн засгийн ангилал зөрчиж зардал гаргасан, санхүү төсвийн асуудал эрхэлсэн төв байгууллагын зөвшөөрөлгүйгээр арилжааны банканд данс нээсэн, бараа материалыг орлогод аваагүй зэрэг нийт 240 сая төгрөгийн алдаа, зөрчил илэрч, аудитын “хязгаарлалттай” дүгнэлт гарсан нь дотоод хяналт, хариуцлагын тогтолцоо хангалтгүй байгааг харуулсан гэв.
Улмаар Засгийн газрын хуралдаанаар П.Алтан-Одыг үүрэгт ажлаас чөлөөлж, хууль хяналтын байгууллагаар шалгуулахыг Цахим хөгжил, инновац, харилцаа холбооны сайд Э.Батшугарт даалгасан байна.
П.Алтан-Од нь Ц.Баатархүү сайдын үед ТНБД-ын үүрэг гүйцэтгэгчээр томилогдон, ажиллаж байсан Ардчилсан намын угшилтай нэгэн юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
АН ыхан төрд гархаараа заавл идэх гээд гүйчих юмаа ийм болохоор ард түмэн та нарт итгэдэггүй байхгүй юу даа
САЙН ШАЛГАХ ХЭРЭГТЭЙ
дөнгөж 240 сая төгрөгний зөрчил гарсан бол маш сайн ажилласан л бна ш дэ
240 сая биш байхаа үнэнээр шалгуул хэдэн тэрбум гарах байх