АТГ: Оюун-Эрдэнийн Тэмүүлэнгийн хөрөнгийн эх үүсвэр хууль ёсны болох нь тогтоогдлоо
Ерөнхий сайд асан Л.Оюун-Эрдэнэ, түүний хүү Тэмүүлэн нарт холбогдох орлого нотлох асуудлыг АТГ 60 хоног шалгаж, үр дүнгээ мэдээлсэн байна.
АТГ-ын албан мэдээ:
"Монгол Улсын Ерөнхий сайд асан, Улсын Их Хурлын гишүүн Л.Оюун-Эрдэнийн хүү иргэн О.Тэмүүлэнтэй холбоотойгоор цахим орчин, хэвлэл, мэдээллийн хэрэгсэлд гарсан болон иргэд, хуулийн этгээдээс ирүүлсэн гомдол, мэдээллүүдийг нэгтгэн Авлигын эсрэг хууль болон Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг баримтлан Авлигатай тэмцэх газраас хянан шалгалаа.
Нийтийн албан тушаалтан нь өөрийн болон гэр бүлийн гишүүдийн хөрөнгө, орлогын мэдүүлгийг хуульд заасан хугацаанд үнэн зөв мэдүүлэх, хөрөнгө, орлогын эх үүсвэрээ бодитой, үнэн зөв тайлбарлах үүргийг хуулиар хүлээдэг. Харин иргэн О.Тэмүүлэн нь өөрийн хөрөнгө, орлогыг мэдүүлэх, тайлбарлах үүрэг бүхий нийтийн албан тушаалтан биш юм. Хяналт шалгалтаар гомдол, мэдээлэлд дурдагдсан О.Тэмүүлэнгийн зарцуулсан хөрөнгийн эх үүсвэр хууль ёсны болох нь тогтоогдлоо.
“Херо энтертайнмент групп” ХХК-ийн гүйцэтгэх захирал Б.Баатар нь тус компанийн орлогоос О.Тэмүүлэнд 2025 оны 1 дүгээр сарын 12-ны өдөр 150,0 сая төгрөг, 2025 оны 3 дугаар сарын 16-ны өдөр 80,0 сая төгрөг, 2025 оны 4 дүгээр сарын 5-ны өдөр 70,0 сая төгрөг буюу нийт 300,0 сая төгрөгийг шилжүүлэн өгсөн болох нь холбогдох этгээдүүдийн тайлбар, санхүүгийн баримтуудаар нотлогдсон байна.
Нийслэлийн Татварын газраас ирүүлсэн баримтаар “Херо энтертайнмент групп” ХХК нь 2024 онд нийтдээ 265,8 сая төгрөгийн татвар төлсөн, 2024 оны жилийн эцсийн Аж ахуйн нэгжийн орлогын албан татварын тайлангаар 6,2 тэрбум төгрөгийн борлуулалтын орлого, татвар төлөхийн өмнөх ашиг 4,1 тэрбум төгрөг болохыг тус тус тайлагнасан нь баримтаар тогтоогдож байна.
“Хүлэг контент” ХХК, “Херо энтертайнмент групп” ХХК болон захирал Б.Б, иргэн А.А нарт холбогдох асуудалд тус газрын Мөрдөн шалгах хэлтсээс хэрэг бүртгэлтийн хэрэг нээн, мөрдөн шалгах ажиллагааг явуулж байна" хэмээсэн байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Алчих юмаа
АТГ ажлаа хуулийн хугацаанд нь хийж сурах хэрэгтэй,олон түмний нэр барьж нийгмийн сүлжээгээр, бусдыг буюу Монгол улсын иргэдээ гутаан доромжлох,мохоох явууллага хирээс хэтэрч байна! Хүний эрхийн комисс амь ор.
Ямар ажил хийгээд энэ их мөнгө авсныг нь ш�##�гах хэрэгтэй.
Угаасаа л ойлгомжтой хариу. Өөрийг нь улируулан томилсон хүнийг ш�##�гана гэж юу байхав. Үнэн доромжилж чадаж байгаа юм шүү
Хуцдаг данх шүү
Бүх зүйл ойлгомжтой,Ухаа худаг Эм си эс-ийн хулгайг хэвээр үлдээх операциййг амжилттай гүйцэтгэсэн байна.Монголын ард түмэн сэтгэл ханг�##�уун байна.З�##�уучууд манлайлж жагслаа,ирээдүй гэгээлэг харагдаж байна.
Тэгнэ шдээ
Mongold bol luuvar taldaa bol gangan oron shuu