Кремль лхагва гарагт /2025.08.27/ мэдэгдэл хийхдээ Украины нутаг дэвсгэрт Европоос цэргүүд байршуулахыг эсэргүүцнэ гэдгээ дахин илэрхийлжээ. 2022 онд бүрэн хэмжээний дайн эхлүүлсэн шалтгаануудын нэг нь НАТО цэргүүдээ Украинд байрлуулахаас сэргийлэх гэж нэмж мэдэгдсэн байна.
Дайн дууссаны дараа Европоос энхийг сахиулах хүчин байршуулж болно гэх мэдээллийн талаар сэтгүүлч Кремлийн хэвлэлийн төлөөлөгч Дмитрий Песковоос асуужээ. Песков үүнд “Ийм төрлийн яриа хэлэлцээг бид сөргөөр харж байна” гэсэн юм. “The Financial Times” сонин мягмар гарагт /2025.08.26/ мэдээлэхдээ барууны холбоотнууд Киевт аюулгүй байдлын баталгаа болгон гурван түвшин хамарсан төлөвлөгөө боловсруулсан гэжээ.
Тэрхүү төлөвлөгөөнд цэрэггүй бүс үүсгэж, гуравдагч орны энхийг сахиулагчид тухайн бүсэд эргүүл хийх санал дэвшүүлсэн байна. Уг бүсийн дараа буюу хоёр дахь түвшний хамгаалалт нь НАТО-гийн сургасан Украины цэргүүд байх юм. Гуравдахь түвшний хамгаалалт нь АНУ-ын дэмжлэгтэй Европын хүчин байна гэж санал дэвшүүлсэн аж.
Эх сурвалж: The Moscow Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Дээрэмчин мангадууд
�##�уурчдаас зөвшөөрөл хүслээ юу
Тусгаар улсын бүрэн эрхэд ичгүүртэйгээр х�##�даж бна !
ZAA ORIUUD DURTAI UEDEE OROOD ZODNOO GESEN UG DEE