Монголын морин спорт уяачдын холбооны 30 жил тохиож буй. Тус холбоо ойн ажлын хүрээнд тод манлай, манлай, алдарт уяачдын дунд сагсан бөмбөгийн нөхөрсөг тэмцээнийг зохион явуулсан. Тэгвэл тус тэмцээнд оролцсон уяачид, тэмцээний үеэр босгосон хандивын мөнгөө сайн үйлд зориулахаар шийдвэрлэсэн аж. Тиймээс өнөөдөр 20 орчим сая төгрөгийн тоног төхөөрөмжийг ЭХЭМҮТ-ийн хүүхдийн эрчимт эмчилгээ болон мэдээгүйжүүлэх хагалгааны тасгуудад хандивлажээ.
Түүнчлэн дуслын шахуурга, отсос, утлагын аппарат, сувилагчийн тэргэнцэр, яаралтай тусламжийн цүнх, хүүхдийн хяналтын монитор, pulse oximeter rad-G гэх мэт нэн яаралтай тусламжийн 20 орчим сая төгрөгийн тоног төхөөрөмжийг эмнэлгийн удирдлагуудад гардуулан өгсөн байна. Тус хандив нь "ханиад томуу нь ачаалал их, оргил үед маш том дэмжлэг боллоо" гэж эмнэлгийн төлөөллүүд илэрхийлжээ.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.