НИЙГЭМНийгэм мэдээ
ЕБС-иудын спорт болон урлаг заалыг амралтын өдрүүдээр сурагчдад үнэгүй ашиглуулах санал гаргалаа
Ерөнхий боловсролын сургуулиуд спорт болон урлаг заалаа түрээсэлж олсон мөнгө нь сургуулийн орлого болдог. Тэгвэл НИТХ-ын төлөөлөгч, Засаглал эрх зүйн хорооны дарга Б.Сэмжидмаа ЕБС-иудын спорт заал, урлаг заалыг түрээсэлж ашиг олох бус сурагчдадаа үнэ төлбөргүй ашиглуулах асуудлыг өргөн барьж танилцуулсан байна.
Тодруулбал, бямба гарагт 09:00–17:00 цагуудад, ням гарагт 10:00–16:00 цагуудад сургуулийнхаа сурагчдад үнэ төлбөргүй ашиглуулах зохицуулалтыг хийхээр тусгажээ. Ингэснээр сурагчдын чөлөөт цагаа үр бүтээлтэй өнгөрөөх, авьяас чадвараа хөгжүүлэх эрүүл амьдралын хэв маягт суралцах нөхцөл бүрдэх боломжтой аж.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.