Долоо хоногийн даваа гараг бүр УИХ-д суудалтай намын бүлгүүд хуралддаг. Энэ дагуу өнөөдөр 10:00 цагаас АН, МАН-ын бүлэг болон ХҮН намын зөвлөл хуралдана. Одоогоор хэлэлцэх асуудал тодорхойгүй байгаа юм. Гэхдээ АН-ын бүлгийн хуралдаанаар бүлгийн даргыг сонгох асуудал яригдаж магадгүй байна.
Учир нь, О.Цогтгэрэл дарга бүлгийн даргын ажлаа өгнө гэдгээ албан ёсоор илэрхийлээд хоёр дахь долоо хоногтойгоо золгож байна. Мөн Ерөнхийлөгчийн санаачилсан УИХ-ын гишүүнийг эгүүлэн татах агуулга бүхий хуулийн төслийг хэлэлцүүлэгт бэлтгэх ажлын хэсэг байгуулах асуудал яригдаж эхэлсэн тул энэ талаар намын, бүлэг зөвлөлүүд хэлэлцэх магадлал бий.
Д.ХАДААН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.