Л.Оюун-Эрдэнийг Б.Баатартай адил 20 хүртэлх жилийн ялтай Үндэсний эв нэгдлийг бусниулах хэргээр ТЕГ-т шалгуулна

Шадар сайд асан Ц.Оюунбаатар тэргүүтэй хуульч, эдийн засагч нар Ерөнхий сайд асан Л.Оюун-Эрдэнийг шалгуулахаар ТЕГ-т хандлаа. Тэд Харбины гэрээ, Эрдэнэс Оюу Толгой компанийн $20 саяын асуудал, Л.Оюун-Эрдэнэ ярилцлага өгөхдөө хагалган бутаргах агуулга илэрхийлсэн зэрэг нь шалгуулах үндэслэл болсон хэмээн мэдээлэл өглөө.

Энэ талаар Ц.Оюунбаатар "NTV телевизийн Лхагвын тойм нэвтрүүлэгт Л.Оюун-Эрдэнэ орохдоо онц ноцтой зүйл ярьсан. Улсын нууцын тухай асуудал биш, Монгол Улсын Үндэсний аюулгүй байдал, тусгаар тогтнол, аюулгүй эдийн засгийн асуудалтай холбоотой зүйлүүдийг хөндсөн байгаа юм. "Парламентын засаглал руу халдах гэж байгаа бол бид ард түмнээ тэмцэлд тэмцэлд уриална. Төв талбайд" хэмээсэн. Энэ бол гишүүнийг эгүүлэн татах тухай хуулийн хэлэлцүүлгийн асуудал. Монголын ард түмэн сүүлийн 30 жил ёс зүйгүй, гэмт үйлдэл хийдэг, авлигал хээл хахуульд автсан, нүүрсний хулгай, банкны хулгай гэх мэт олон зүйлсэд холбогдсон. Энэ хүмүүсийн нуугдах газар УИХ, хууль тогтоох байгууллага болсон учир ард түмний байр суурийг эсэргүүцэж, хуваан талцал үүсгэх асуудал ярьсан. Энэ цаашид иргэний дайн руу аваачна.

Тухайлбал, "NTV телевизийн Лхагвын тойм нэвтрүүлэгт Л.Оюун-Эрдэнэ орохдоо онц ноцтой зүйл ярьсан. Улсын нууцын тухай асуудал биш, Монгол Улсын Үндэсний аюулгүй байдал, тусгаар тогтнол, аюулгүй эдийн засгийн асуудалтай холбоотой зүйлүүдийг хөндсөн байгаа юм.

"Парламентын засаглал руу халдах гэж байгаа бол бид ард түмнээ тэмцэлд тэмцэлд уриална. Төв талбайд" хэмээсэн. Энэ бол гишүүнийг эгүүлэн татах тухай хуулийн хэлэлцүүлэгийн асуудал. Монголын ард түмэн сүүлийн 30 жил ёс зүйгүй, гэмт үйлдэл хийдэг, авлигал хээл хахуульд автсан, нүүрсний хулгай, банкны хулгай гэх мэт олон зүйлсэд холбогдсон. Энэ хүмүүсийн нуугдах газар УИХ, хууль тогтоох байгууллага болсон учир ард түмний байр суурийг эсэргүүцэж, хуваан талцал үүсгэх асуудал ярьсан. Энэ цаашид иргэний дайн руу аваачина.

"Миний ялалтаар баталгаажсан мөрийн хөтөлбөрийг эсрэг санал руу явуулах гэж, бас галаар битгий наадаарай, би 21 аймгийг тойроод үндэсний хэмжээний тэмцэл уриалж чадна" гэсэн. Энэ бол ЭХ-ийн 19.8, 19.9 дүгээр заалт буюу Үндэсний эв нэгдлийг бусниулах, Экстремист үйл ажиллагаа явуулахтай холбоотой гэмт хэрэг. Энэ хуулийн зүйл заалт дээр би өөрөө ажилласан хүн.

Бид Харбины гэрээг ил тод болгох шалгах асуудлыг тавьж байгаа. Энэ гэрээг ард иргэдээс нууцаар хийсэн. Мөн Эрдэнэс Оюу Толгой компанийн 20 сая долларыг авч, төрийн санд оруулалгүй хэдхэн хүмүүстэй хуваан завшсан" хэмээсэн юм.

Л.Оюун-Эрдэнийг ТЕГ-т өгсөн зүйл заалтыг тодруулбал

• ЭХ-ийн 19.8: Экстремист үйл ажиллагаа явуулах

1.Үндсэн хуульт тогтолцоо, төрийн байгууламжийг хууль бусаар, хүч хэрэглэн өөрчлөх, устгах зорилгоор улс төр, шашны үйл ажиллагаа явуулсан, энэхүү үйл ажиллагаа явуулахаар тодорхой бүлэг байгуулсан, бусдыг элсүүлсэн бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.

• ЭХ-ийн 19.9: Үндэсний эв нэгдлийг бусниулах

1.Хүмүүсийг үндэс, угсаа, хэл, арьсны өнгө, шашны номлол, үзэл бодлоор дайсагнуулах, эвдрэлцүүлэх, салан тусгаарлахыг ухуулсан, уриалсан, ялгаварлан гадуурхсан, хүчирхийлсэн, эрхийг нь хязгаарласан, давуу байдал тогтоосон үйлдлийг зохион байгуулсан бол таван жилээс арван хоёр жил хүртэл хугацаагаар хорих ял шийтгэнэ.

2.Энэ гэмт хэргийг зохион байгуулалттай гэмт бүлэг үйлдсэн бол арван хоёр жилээс хорин жил хүртэл хугацаагаар хорих ял шийтгэнэ.

Эрүүгийн хуулийн 19.9 Үндэсний эв нэгдлийг бусниулах гэмт хэргээр Л.Оюун-Эрдэнийн ах Б.Баатарыг мөн ТЕГ-аас шалгаж буй. Энэ талаарх мэдээллийг дараах линкээс унших боломжтой.

Мөн Л.Оюун-Эрдэнийг АТГ-аас мөрдөн шалгаж байгаа. Энэ талаарх мэдээллийг дараах линкээс унших боломжтой.

Г.МИШЭЭЛ

Өөрийн сэтгэгдлээ илэрхийл

Share Tweet