Instagram, Facebook платформыг залууст хор хөнөөл учруулдаг хэмээн шүүхэд өгч $3.7 тэрбумыг нэхэмжилжээ
АНУ-ын Нью Мексико муж даваа гарагт /2026.05.04/ “Meta” компанийг олон нийтэд төвөг учруулсан хэмээн зарлахыг шүүгчээс хүсжээ. Мөн тус компанийг 3.7 тэрбум ам.доллар төлж, Facebook, Instagram, WhatsApp платформууд дээрээ залуусыг хамгаалсан өөрчлөлт хийхийг тушаахыг шүүгчээс хүссэн байна.
Нью Мексико мужийн Ерөнхий прокурор Раул Торрез “Meta” компанийг залуу хэрэглэгчдийг донтуулах зорилготой платформуудаа хөгжүүлж, хүүхдүүдийг бэлгийн мөлжлөгөөс хамгаалж чадаагүй хэмээн буруутган шүүхэд өгсөн юм. Тус мужийн төлөөлж ажиллаж буй хуульч “Улс даяар хүүхдүүд тусламж гуйж байна. Сэтгэцийн эрүүл мэндийн хямрал үүсэж, үүнийг сошиал платформууд өдөөж байгаа гэдгийг гэрчийн мэдүүлгээс сонсох болно. Үүнийг засах хэрэгтэй” гэжээ.
Өнгөрсөн гуравдугаар сард тангарагтны шүүх “Meta” компани Нью Мексико мужийн хэрэглэгчийг хамгаалах хуулийг зөрчсөн хэмээн үзэж 375 сая ам.долларыг нөхөн төлбөрт өгөхийг тушаасан юм. “Meta” тус шийдвэрийг давж заалдана гэдгээ мэдэгдсэн.
Харин одоогийн шүүх хурлаар “Meta” компани мужийн хуулийг зөрчиж, олон нийтэд төвөг учруулсан эсэхийг шийднэ. Уг хэргийг адил зарга үүсгэх гэсэн муж, хотын захиргаа, сургуулиуд анхааралтай ажиглаж байгаа юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
УЛС ТӨРЧИД ТРОЛЛ АРМИА БЭЛТГЭХ НЬ ЧУХАЛ БОЛОХООС БИШ ХҮҮХЭД ӨСВӨР НАСНЫХАНД УЧРУУЛАХ ЭРСДЭЛ ХАМААГҮЙ ГЭЖ БАЙГАА ЮМ ШИГ ТООХГҮЙ ЗАДГАЙ ТАВЬСАН УЛС МАНАЙХААС ӨӨР БАЙГАА ЮМ УУ?
Daisogiin munhtsetseg 75oni tuulai jiltei b#####i nuh
Etseg eh n hyanalt tavidaggui. ?