Засгийн газрын хуралдаанаар "Банк эрх бүхий хуулийн этгээдийн мөнгөн хадгаламж, мөнгөн хөрөнгийг шилжүүлэх, зээлийн үйл ажиллагааны тухай хуульд" нэмэлт өөрчлөлт оруулахаар болжээ. Ингэснээр иргэд гар утасны аппликейшн болон банкаар дамжуулан зээл авахдаа заавал биечлэн очиж гэрээ хийх шаардлагагүй болох юм байна.
Энэ тухай Цахим хөгжил, инновац, харилцаа холбооны сайд Ч.Номин "Аппликейшн болон цахим үйлчилгээгээр дамжуулан банкны зээл авах үйл явцыг илүү хялбар болгоно. Хуульд оруулж байгаа өөрчлөлтийн хүрээнд зээл авах иргэд заавал салбарт биечлэн очиж гэрээ байгуулах шаардлагагүй болж, аппликейшнаар гэрээгээ баталгаажуулан үйлчилгээг авах боломж бүрдэнэ. Иргэд цахимаар зээл авах хүсэлтээ өгчхөөд заавал биеэр очиж гэрээгээ хийж, баталгаажуулдаг байсан. хуульд нэмэлт өөрчлөлт орсноор иргэдийн цаг хугацаа, зардлыг хэмнэх ач холбогдолтой" гэлээ.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.