Автомашины болон зам ашигласны татварыг буцааж бууруулах өргөдөл санаачилж, 32,198 иргэн дэмжиж гарын үзэг зуржээ. Иргэн Э.Баясалцэнгэл нийтийн өргөдөл, санал хүлээн авдаг https://petition.parliament.mn/ тус өргөдлийг санаачилсан байна.
Тодруулбал, 2025 оны 1-р сарын 1-нээс хэрэгжиж эхэлсэн татварын нэмэгдэл нь үндэслэлгүй, шударга бус, хууль зөрчсөн тул буцааж хуучин хэвэнд нь оруулахыг шаарджээ. Мөн автомашины татвар 300%, зам ашигласны төлбөр 500% нэмэгдсэн хэдий ч автозам сайжраагүй, эвдрэлийг засаагүй, тэмдэг тэмдэглэгээг тодруулаагүй зэргээр энэхүү өссөн татвар үр дүнгүй байгаа нь харагдаж буй тул татварын нэмэгдлийг цуцлан зөрүүг буцааж олгохыг шаардсан байна.
Энэ сарын 27-ныг хүртэл дээрх өргөдөлд иргэдээс санал авах юм байна. Хэрэв өргөдөлд 33,000 иргэн гарын үсэг зурвал ажлын хэсэг байгуулагдах юм. Иргэн та санал өгөхийг хүсвэл дараах холбоосоор орно уу: https://petition.parliament.mn/Detail?id=fe447e45-9141-47b0-af3b-3400effd48b4
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.