Ч.Лодойсамбуу гишүүний "Би гарын үсэг зураагүй" гэх үг АН-ын дотоод толхилцооныг тодотгов
АН-ын бүлгээс өнөөдөр ээлжит бус чуулган зарлан төсвийн тодотголыг хэлэлцэж, Засгийн газрын үрэлгэн зардлыг танах шаардлагатай гэж мэдэгдсэн. Энэ үеэр Б.Жаргалан гишүүн "УИХ дахь АН-ын бүлгийн бүх гишүүн санал нэгтэйгээр Ерөнхий сайдыг огцруулах албан бичигт гарын үсэг зураад байгаа тухай мэдээлсэн. Тэгвэл Ч.Лодойсамбуу үүнийг няцааж " Би зураагүй. Зурахгүй" хэмээн цахим хуудсандаа нийтлэв.
Эл үйлдэл нь олон нийтэд угаас фракц, жигүүрээ алдартай АН-ын дотоод зөрчлийн илрэл мэт тусаж байна. Тус нам УИХ-д 42 суудалтай. Мэдээлэл солилцох, мэтгэлцэхэд тийм ч ярвигтай биш гэсэн үг. Гэтэд хэвлэл мэдэллийн хэрэгслээ зөрүүтэй үгс шидэлж байгаа нь ойлголтын зөрүү хийгээд, дотоод эв нэгдэл хэр түвшинд байгааг илтгэж буй.
Хаврын чуулганы хугацаанд сөрөг хүчнээс Засгийн газрат хариуцлага тооцох, Ерөнхий сайд Н.Учралыг огцруулах акц нэг бус удаа эхлүүлсэн. Гэвч яг хэдэн гарын үсэг цугларсан нь тодорхой бус байсаар замхарсан. Хамгийн сүүлд гэхэд УДШ, ҮХЦ-ийн гишүүний сул орон тооны томилгоонд эрх баригчидтай тохиролцсноор барьцаа сулруулсан байдаг.
Намрын чуулган хаалга тогшиж, Ерөнхийлөгчийн сонгууль хаяанд ирсэн энэ цагт ч АН дотооддоо толхилцсоор байгаа аж. Уг нь тэд өөрсдийгөө дараалсан сонгуульд ялалт байгуулж, засагладаг улс төрийн хүчин байхын төлөө ажиллаж байгаа гэдэг.
Холбоотой агуулга:
Д.ХАДААН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.