Увс аймгийн нийт нутгийн 60–70 хувьд цас орж, зарим суманд 40–60 см зузаан цасан хунгар тогтон, салхины хурд 17–18 м/с хүрч шуурсны улмаас нэг иргэн амиа алдаж, нэг иргэн сураггүй болжээ.
Тодруулбал, Тариалан сумын Бургастай багийн “Маш” гэдэг газар аравдугаар сарын 15-ны өдрийн 07:00 цагийн орчим малчин А малаа хайхаар яваад сураггүй болсон байна. Энэ тухай дуудлагыг тус өдрийн 16:50 цагт хүлээн авч, эрэн хайх ажиллагааг эхлүүлжээ. Эрэн хайх ажиллагаанд Увс аймгийн Онцгой байдлын газрын Эрэн хайх, аврах салбар, Цагдаагийн хэлтэс, сумын Мэргэжлийн анги болон ар гэрийнхэн оролцож, эрэлч нохой, дрон ашиглан хайж байгаа аж.
Увс аймгийн Засаг даргын орлогч С.Анхбаярын мэдээлснээр, гэнэт их хэмжээний цас орж, цасан шуурга шуурсны улмаас нэг иргэн амь насаа алдаж, нөгөө иргэнийг эрэн хайх ажиллагаа үргэлжилж байна. Иймд иргэд, малчдыг цаг агаарын мэдээ, сэрэмжлүүлгийг тогтмол авч, цасан шуургатай үед малаа хол бэлчээхгүй байх, онцын шаардлагагүй бол холын замд гарахгүй байхыг анхаарууллаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хариуцлага алдсан Анхбаяр нөхрийг ажлаас нь халах болж дээ !