Шинэ төрлийн коронавирусийн халдвараас урьдчилан сэргийлэх ажлын хүрээнд Эрүүл мэндийн яамнаас холбогдох заавар, зөвлөмжүүдийг хүргүүлсээр буй. Энэ удаад халдвар тархах эрсдэлтэй үед дархлаагаа дэмжихийн тулд ямар хоол, хүнс идэх нь зохилтой талаар АШУҮИС-ийн багш, академич Ш.Болдын товч зөвлөгөөг хүргэжээ.
Энэ зөвлөгөө бичлэг нь ардын уламжлалт анагаах ухааны мэдлэг дээр суурилсан онцлогтой байна. Үүнд дурьдсанаар халуун ногоотой, шорвог хоол төдийгүй удсан тараг зэрэг хүнс нь дархлааг бууруулдаг гэнэ. Түүнчлэн буцалсан бүлээн ус уух нь өвчний шинэ үед илааршин эдгэрэх боломжийг нэмэгдүүлдэг гэжээ.
