Улсын онцгой комиссын Шуурхай штабаас хэвлэлийн хурал хийсэн билээ. Энэ үеэр Гадаадад байгаа долоон монгол иргэнээс коронавирус илэрсэн талаар мэдээлэв.
Энэ талаар ОБЕГ-ын дарга, генерал Т.Бадрал “Одоогоор гадаадад байгаа монголчуудаас долоон хүн коронавирусийн халдвар авсан гэсэн мэдээлэл ирээд байна. Тэдний хоёр нь Москвад сурч буй оюутан. ОХУ-д суралцаж байгаа оюутнууд эх орондоо ирэх хүсэлт гаргасаар байгаа.
Маргааш хойд хөршөөс 100 гаруй оюутан Улаан-Үдэд ирнэ. Бидний зүгээс Москва, Улаан-Үд, Эрхүү хотод байгаа оюутнуудыг хооронд нь уулзуулахгүй, хавьталд оруулахгүйгээр татан авах ажлыг зохион байгуулахаар бэлтгэж байна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.