Баруун Йоркшир мужийн Хекмондвик хотод амьдардаг Жон Брейшав коронавирусийн хөл хорионы үеэр хашаагаа цэцэрлэгжүүлэх үеэрээ нэгэн итгэмээргүй олдворыг олжээ. Түүний хашаанд 1950-аад оны үед хэрэглэгддэг байсан Ford Popular маркийн хуучирч зэвэрсэн автомашин олдсон байна. Тэрээр энэ тухайгаа хэлэхдээ:
"Анх машиныг хараад маш их гайхсан. Учир нь хашааны минь төвд бүхэл бүтэн машин байна гэж би санаагүй. Машины хөдөлгүүр гэх мэт тоноглолууд нь бүрэн байсан нь гайхширмаар. Энэ магадгүй хуучны цэргийн унаа байж магадгүй гэж би таамаглаж байгаа”
Тус автомашиныг Форд Поп гэж нэрлэдэг байсан бөгөөд 1953-1962 онуудад нийтлэг байсан. Гэвч 1962 оноос хойш тус маркийн автомашиныг үйлдвэрлэхийг зогсоосон юм.
ЭХ СУРВАЛЖ: https://www.bbc.com/
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.